Qazaqstan Respýblıkasy Mádenıet jáne sport mınıstrligi Til saıasaty komıtetiniń Shaısultan Shaıahmetov atyndaǵy «Til-Qazyna» ulttyq ǵylymı-praktıkalyq ortalyǵy «Bastapqy deńgeı: til úıretý men leksıkalyq mınımýmdy anyqtaý ádistemesi» respýblıkalyq onlaın semınar ótkizdi.

Onlaın semınardyń maqsaty – «Bastapqy deńgeı: til úıretý men leksıkalyq mınımýmdy anyqtaý ádistemesi», onlaın rejımde júzege asyrý arqyly qazaq tilin meńgertýdiń ádistemesin jańa deńgeıge kóterý.

Onlaın semınar barysynda ǵalymdar men bilikti mamandar «Leksıkalyq mınımým jáne sózderdiń qoldaný jıiligi: baılanysy men araqatynasy», «Tildik quzyrettilikterdi qalyptastyrýdaǵy jaǵdaıattyq tapsyrmalardyń tıimdiligi», «Til úıretýde zamanaýı aqparattyq-kommýnıkasıalyq texnologıalardy qoldanýdyń ádistemesi», «Shet tilderdi úıretý ádister: praktıkalyq mysaldar negizinde», «Bastapqy deńgeı: synı turǵydan oılaý ádisteri arqyly sózdik qordy arttyrý joldary», taqyryptary aıasynda baıandama oqyp, semınarǵa qatysýshylar onlaın rejımi arqyly ózara tájirıbe almasty.

Sondaı-aq onlaın semınarǵa Qazaqstan Respýblıkasy Mádenıet jáne sport mınıstrligi Til saıasaty komıtetiniń Shaısultan Shaıahmetov atyndaǵy «Til-Qazyna» ulttyq ǵylymı-praktıkalyq ortalyǵy qyzmetkerleri, Astana, Almaty jáne Shymkent qalalary men óńirlerdegi memlekettik til oqytý ortalyqtarynyń, joǵary oqý oryndarynyń mamandary jáne ádisker-ǵalymdar qatysty.