Búgin Almatyda qazaqstandyq BAQ naryǵyn damytý máselelerine arnalǵan on birinshi MEDIA QURYLTAI konferensıasy óz jumysyn bastady, dep habarlaıdy Qamshy.kz aqparat agenttigi. Jobanyń jyl saıynǵy uıymdastyrýshysy ári avtory – Qazaqstan Baspasóz klýby.
Bas redaktorlar, basylym basshylary, sarapshylar, saıasattanýshylar, jýrnalıser men qoǵam qaıratkerleri otandyq BAQ naryǵyn damytý máseleleri jóninde oı-pikirlerimen bólisýde. Konferensıada aqparat jáne komýnıkasıalar mınıstrliginiń ókili Bekzat Rahymov, Medıa aláns basqarmasynyń tóraǵasy Armanjan Baıtasov, Quqyqtyq medıa ortalyǵynyń dırektory Dıana Okremova jáne ózge sarapshylar Qazaqstan qoǵamynyń jalpy áleýmettik-ekonomıkalyq ómiri aıasyndaǵy medıa-naryqta búgingi tańda bolyp jatqan ózgeristerdi talqylamaq.
Sonymen qatar sıfrlyq dáýirdegi buqaralyq medıa máselesi de sóz bolmaq. Jappaı sıfrlandyrý baǵdarlamasyn júzege asyryp jatqan eldegi BAQ-tyń róli, orny qandaı bolmaq? Sarapshylar osy suraqqa jaýap izdeıdi.
Qazaq tilindegi BAQ-ty damytý máselesine de kóńil aýdarylady.
Osy oraıda BAQ jumysynyń tıimdiligine taldaý júrgizýge arnalǵan dúnıejúzi moıyndaǵan tehnologıa – Chartbeat servısin Qazaqstanda iske qosý aıasynda sheberlik sabaǵy ótedi. Nú-Iorkten kelgen Chartbeat komandasy qazaqstandyq BAQ-tyń básekege qabilettiligin kóterýge arnalǵan júıeniń múmkindikterin egjeı-tegjeıli túrde kórsetip, halyqaralyq basylymdardyń tabysty keısterimen tanystyrady.
Buǵan qosa Factcheck.kz komandasy faktchekıngke arnalǵan arnaıy sheberlik sabaǵyn ótkizedi.
MEDIA QURYLTAI dál qazirgi ýaqytta orys tilinde júrip jatyr. Al túski 14:00-den bastap qazaq tildi spıkerlerdiń qatysýymen memlekettik tilde ótedi.
