Reseıdiń Federaldyq barlaý qyzmeti 1995 jyly Stavropoldiń Býdennovsk qalasynda halyqty kepildikke ustaǵan qylmystyq toptyń sońǵy músheleriniń birin ustady. 1978 jyly týǵan Hazvah Cherhıkov ol kezde bar-joǵy 17 jasta bolǵan.
Kýágerlerdiń aıtýyna qaraǵanda, ol 1995 jyly oryn alǵan teraktige qatysqan. Reseıdiń barlaý qyzmeti qylmyskerdiń ustalǵany jónindegi beınekórinisti jarıa etti.
Rasynda 1995 jyldyń 14 maýsymynda Býdennovsk qalasynda álemde buryn-sońdy bolmaǵan lańkestik áreket oryn alǵany belgili. Qaqtyǵystyń saldarynan qalanyń 129 turǵyny, onyń ishinde 18 mılısıa qyzmetkeri, 17 áskerı adam qaza tapqan. Sodyrlardyń qaskóı áreketinen 415 adam jaraqat aldy. 1500 adamdy kepildikke alǵan olar 90 kólikti órtep jiberdi.
Jalpy 1995 jyl men 2013 jyldyń arasynda Basaevtyń bandasyndaǵy 31 adam ustalyp, ártúrli merzimdegi jazaǵa kesildi. Al Shamıl Basaevtyń ózi 2006 jyldyń shilde aıynda Ingýshetıadaǵy arnaıy operasıa kezinde oqqa ushyp, qaıtys boldy.
Qalaǵa basyp kirgen Basaevtyń 200 sodyry 1600 adamdy kepildikke alyp, olardy jergilikti aýrýhanaǵa qamaǵany belgili. Qylmystyq top «Sheshenstandaǵy soǵysty toqtatyp, Djohar Dýdaevpen kelisssóz júrgizý týraly» Reseı bıligine talap qoıdy. Eki kúnge sozylǵan kelissózdiń nátıjesinde alǵashynda 61, keıinnen qalǵan adamdar kepildikten bosatyldy. Endi mine, bandalyq toptyń sońǵy músheleriniń biri ustalyp, federaldyq qyzmet ókilderine jaýap berýde.
