Búgin Astanaǵa Túrkıa Respýblıkasynyń Prezıdenti Redjep Taıyp Erdoǵan memlekettik-resmı saparmen keldi.

Astana áýejaıynda Túrkıadan kelgen mártebeli qonaqty QR Syrtqa ister mınıstri Erlan Ydyrysov, QR Investısıa jáne damý mınıstri Aset Isekeshev jáne QR Túrkıadaǵy ókiletti elshisi Janseıit Túımebaev qarsy aldy.

Osydan buryn habarlaǵanymyzdaı, sáýirdiń 16-sy kúni Elordada Qazaqstan Respýblıkasy Prezıdenti Nursultan Nazarbaev pen Túrkıa Respýblıkasynyń Prezıdenti Taıyp Erdoǵan arasynda ekijaqty kelissózder ótedi dep josparlanǵan bolatyn.

Kezdesýler barysynda eki el arasyndaǵy mádenı, ekonomıkalyq yntymaqtastyq, áskerı baılanystar  men birqatar ózekti máseleler qordalanady dep josparlanýda.

Eskerte ketetini, bul Redjep Taıyp Erdoǵannyń Túrkıa Prezıdenti retinde Qazaqstanǵa tuńǵysh kelýi bolyp otyr.

Sondaı-aq, R.T. Erdoǵan myrza, Qazaqstanǵa resmı sapary barysynda Túrkistan qalasyna kelip, ondaǵy mádenı-aǵartýshylyq oryndardy aralaıdy dep kútilýde. Sonymen qatar, Túrkistan qalasynda ornalasqan Q.A.Iassaýı atyndaǵy halyqaralyq qazaq-túrik ýnıversıtetinde kezdesý uıymdastyryp, túrki halyqtarynyń mádenıetin dáripteıtin obektiniń ashylýyna qatysady. Al óz kezeginde, ýnıversıtet basshylyǵy Túrik Prezıdentine Q.A.Iassaýı ýnıversıtetiniń qurmetti profesory ataǵyn tapsyrady dep josparlanǵan.