SHQO ákimi Danıal Ahmetov ómirden ozǵan qazaqstandyq ǵalym Karl Baıpaqovtyń týǵan-týystaryna kóńil aıtty.
«Belgili qazaqstandyq arheolog ǵalym, tarıh ǵylymdarynyń doktory, profesor, Qazaqstan Respýblıkasy ǵylym akademıasynyń akademıgi Karl Moldahmetuly Baıpaqovtyń ómirden ótkenin zor kúızelispen qabyldadym. Bul – el úshin orny tolmas qaza boldy.
Shyǵysqazaqstandyqtar men jeke óz atymnan Karl Moldahmetulynyń otbasyna, týǵan-týystary men halyqaralyq ǵylymı qaýymdastyqqa qaıǵyryp, kóńil aıtamyn.
Otandyq arheologıa maıtalmany, Qazaqstan tarıhy boıynsha alǵashqy oqýlyqtardyń avtory bolǵan Karl Moldahmetuly ortalyq azıa men Qazaqstannyń orta ǵasyrlyq arheologıasyna aıtýly úles qosqan iri maman retinde uly dala tarıhyn túgendep, baıyta túsken kóne qalalar men qonystar boıynsha aýqymdy zertteýlerdi alǵash júrgizgen edi.
Sońǵy jyldary ol shyǵys Qazaqstan oblysynda xvii ǵasyrǵa jatatyn býddızm mádenıetiniń qazynasy bolǵan ablaıkıt bekinis-ǵıbadathanasyn zertteýmen shuǵyldandy. Arheologıa salasyndaǵy ǵylymı-zertteý salasyndaǵy oblystyq baǵdarlama aıasynda zertteý jobasyna jetekshilik etip, Qazaqstan aýmaǵyndaǵy kóne eskertkishterdi zertteýge baǵa jetpes úlesin qosty.
Karl Moldahmetuly Baıpaqovtyń ǵylymı eńbekteri men monografıalary aldaǵy ýaqytta zerdelenip, jalǵasyn tabaryna, qazaqstandyq jáne halyqaralyq arheologıa men ǵylymǵa tyń jańalyqtar men bilim derekkózi bolaryna kámil senemin», - dep atap ótti SHQO ákimi Danıal Ahmetov.
