14 qarasha kúni respýblıka boıynsha jalpyhalyqtyq dıktant ótti. «Rýhanı jańǵyrý» taqyrybyndaǵy dıktantty elimizdiń 2 mıllıonǵa jýyq turǵyny bir mezette jazyp shyqty. 90 sózden turatyn mátindi qatysýshylar jarty saǵat kóleminde aıaqtady.

Sharadan soń ár óńirde qurylǵan arnaıy jumys toptary dıktanttyń nátıjesin 5 jumys kúni ishinde jarıalaýy tıis bolatyn. Soǵan oraı, oblystaǵy jumys toptary Mańǵystaýdaǵy dıktanttyń qorytyndysyn shyǵardy.

Mańǵystaý oblysynan josparlanǵandaı, 80 myń adam dıktantqa qatysty. 3273 – memlekettik qyzmetshi, 18953 – memlekettik qyzmet usynatyn uıymdar qyzmetkeri, 21719 – stýdent, 21828 – oqýshy, 14227 – basqa da qatysýshylar bar.

Aýdan, qalalardan dıktantqa Jańaózen qalasynan – 15178, Aqtaý qalasynan – 9320, oblystyq bilim basqarmasynan – 18 000, Qaraqıa aýdanynan – 5 myńnan asa, Beıneý aýdanynan – 5400, Túpqaraǵannan – 5000, Munaılydan – 7000, Mańǵystaý aýdanynan – 5000 adam qatysqan.

Tilderdi damytý jáne onomastıka bóliminiń basshysy Aıgúl Yqylasqyzynyń aıtýynsha, qatysýshylardyń 40 312 – óte jaqsy, 31 712 – jaqsy, 7976 – qanaǵattanarlyq baǵa alǵan.