Bıylǵy prezıdenttik saılaýdyń ózge saılaýlardan basty aıyrmashylyǵy – saılaýaldy kampanıada ınternet-tehnologıalardyń basymdyǵy. Ár túrli ınternet-tehnologıalary saılaý úrdisin qyzyqty ári tartymdy etýge baǵyttalǵan. Qazirgi saılaý naýqanynda belsendi sıpatqa ıe bolyp kele jatqan ınternet-tehnologıalardyń biri –komersıalyq emes, memlekettik emes election2015.kz saıty.Bul saıttyń memleket ne partıa ókilderimen emes, azamattar qoldaýymen paıda bolǵanyn erekshe atap ótý kerek.

Bul saıtqyzyqty saılaýaldy saraptama, beınematerıaldar men áleýmettik servısterden saılaýaldy taqyryp boıynsha jańalyqtardy jınaqtaýǵa baǵyttalǵan. Sonymen qatar, saıtta oqyrmandar kandıdattardyń saıası platformasyn talqylap, saılaýǵa qatysty óziniń pikirlerin bere alady. Bul qoǵamdaǵy azamatty belsendilikti joǵarlatýǵa ózindik septigin tıgizedi.

Prezıdenttik saılaý naýqanyna arnalǵan arnaıy saıttyń paıda bolýy – saılaý tehnologıalarynyń jańa deńgeıge ıe bolǵanyn kórsetedi. Bul sońǵy jyldary kóptegen memleketterdiń saılaý naýqanynda oryn alǵan trendterdiń biri. Mysalǵa, 4 sáýirde Ulybrıtanıada da 7 mamyrda ótetin parlamenttik saılaýǵa arnalǵan arnaıy saıt qurylǵan bolatyn.

Sondaı-aq, ınternet-tehnologıalar arqyly tek saılaý  týraly ǵana aqparat berip qana qoımaı, qoǵamdaǵy azamattardyń elektoraldy mádenıetin de damytýǵa bolady. Mysalǵa, naýryz aıynda bastama alǵan «EL.kz» áleýmettik jelisi arqyly júrgizilip jatqan «Seniń daýysyń – seniń bolashaǵyń» posterler baıqaýy osy maqsatqa baǵyttalǵan.