Sý tasqyny týraly. Qınalyp jatqan qandastarymyzdy Alla qoldasyn! Bıliktiń esebine qulaq assaq, bári tamasha eken. Esepterine qarasań, sol sý tasymaǵan da sıaqty! Al keıbir BAQ pen osy FB-daǵy azamattardy tyńdasaq, jaǵdaı tipti de máz. Menińshe, eki nárseni uǵyp alsaq el bolyp. Tabıǵı apat sekildi tosyn jaıttardy jónsiz saıasattandyrýdy, ıaǵnı, óz qyzmetteriniń babynda paıdalanýdy doǵarý kerek! Bolǵan is boldy, "prezıdentke jaman jaǵymyzdan kórinip qalarmyz, onyń saılaýaldy kóńil-kúıine kirbiń túsirsek, taıaq jermiz" degen logıkany qoıyp, kerisinshe, elge de, joǵarǵy jaqqa da shyndyqty aıtyp, úkimetten odan mol qarjy surap, onyń ústine qoǵamdy da kómekke tartý kerek emes pe? Osyny qashan uǵynady olar? Ekinshi másele mynada. Aldyn-ala boljaýǵa, sý deńgeıine monıtorıń jasaýǵa tıis TJM sekildi jaýapty mekemeler qaıda? Basqasyn aıtpaǵanda, "el qulaǵy - elý", sol ákimder de sol aýyldarda turmaı ma? "Sýdyń raıy qıyn" degen jurttyń sózin estimegen be? Kózderi soqyr, qulaqtary kereń bop qalǵan ba? Bolashaqta osy jáıtter qaıtalanbas úshin osy eki máseleni sheship alýymyz qajet! Áıtpese, kelesi jyly da qar jaýady, ol erıdi, sý tasıdy degendeı!

Ámirjan Qosanov, Facebook paraqshasynan