Elbasy Nursultan Nazarbaev pen Túrkıa prezıdenti Redjep Taıyp Erdoǵan Túrkistan qalasyndaǵy jańa meshitke bardy.

Bul týraly Aqordanyń Tvıtterdegi paraqshasynda habarlady dep jazady Qazaqparat.

Baýyrlas qos eldiń basshylary meshittiń salynýy jaıyndaǵy kelisimge 2000 jyly, Túrkistan qalasynyń 1500 jyldyǵyn toılaý kezinde qol qoıǵan.

Aýmaǵy 2 gektar jerdi quraıtyn meshittiń qurylysyn Túrkıa eli qarjylandyrdy. Meshittiń munaralarynyń bıiktigi 33, al kúmbeziniń bıiktigi 31 metrdi quraıdy.

Sondaı-aq, jańa meshit 2 qabatty jáne 600 sharshy metr jabyq alańy bar. Syrtynda namaz oqıtyn orny, tómengi qabatta mádenıet ortalyǵy, birinshi qabatta 2 dárisqanasy bar.

Qulshylyq ordasy túgeldeı Túrik eliniń Din isteri mınıstrliginiń qarjylaı qoldaýymen salynǵan. Qurylys jumystary 2009-jyldyń 16-qazan kúni bastalǵan bolatyn. Qurylys jumystaryna jalpy mólsheri 10 mln AQSH dollary jumsalǵan.

Meshitte bir ýaqytta 3 000-ǵa jýyq adam qulshylyq jasaı alady. Meshit qasynda kitaphana jáne zamanaýı asqana zaldary qarastyrylǵan. Sondaı-aq, azanshylar men ımamdarǵa arnalǵan bólmeler bar.