Oraldyń týmasy, ónerimen barsha Qazaqstanǵa tanylǵan belgili ázilkesh shoýmen Tursynbek Qabatov óziniń jerlesterine qoldaý bildirip, esepshottaryna 500 myń teńge qarjy aýdardy.

Osydan biraz ýaqyt buryn áleýmettik jelide kásipker Birjan Qujaqov Tursynbek Qabatovtyń múgedek jandarǵa kómektesem dep sóz berip, sózinde turmaı ketkeni týraly jazǵan edi. Birjan myrzanyń aıtýynsha Tursynbek múgedek jandardyń kásibine qajetti qurylǵy alyp berem dep ýáde etken eken.

Alaıda óner ıesiniń ýaqyty bolmaı, qarbalas jumystarmen júrgeninde esinen shyǵyp ketti me, álde múmkindigi bolmaı qaldy ma, ol jarymjan jandarǵa bergen ýádesin keshiktirgeni týraly aqparat áleýmettik jeli arqyly jurtshylyqqa tarap ketti.

Taǵdyrdyń synaǵyna moıymaı, eshkimge salmaq salmaı ózderiniń isin dóńgeletip otyrǵan múgedek jandar ózderine qarata aıtylǵan bir aýyz jyly sózdi kóńilderine medeý etetini belgili. Sondyqtan da bolar olar Tursynbek Qabatovtyń qarjylaı kómektseýge tyrysam degen sózine balasha qýanǵandaryn jasyra almady.

Ýaqyt óte kele olardyń kókeıinde “juldyz” ózderin nege aldady, sózinde nege turmady dege kúmán bolǵany da ótirik emes. Olar ózderiniń nazyn áleýmettik jeli arqyly kópshilikpen bólisti. Endi mine, jaqynda janashyr azamat, ónerde óz orny bar daryn ıesi Tursynbek “Ǵıbadat” JSHS jumysshylaryn, qoldary altyn sheberlerdi, kásip ıelerin bir qýantyp, olardyń esepshottaryna 500 000 teńge aýdardy.

Oraldyq múgedek jandar bir aýyzdan Tursynbekke alǵystaryn bildirdi.