2018 jyldyń 5 jeltoqsan kúni Astana qalasyndaǵy «Qazaqstan» ortalyq konsert zalynda jyl saıynǵy respýblıkalyq patrıottar forýmy ótedi. Aýqymdy shara Qazaqstan Respýblıkasy Mádenıet jáne sport mınıstrliginiń tapsyrysy boıynsha uıymdastyrylyp otyr.

Forýmnyń maqsaty – halyqtyń patrıottyq rýhyn nyǵaıtyp, memlekettik rámizderge qurmetpen qaraýǵa tárbıeleý bolyp tabylady.

Sondaı-aq, sharanyń mańyzdy bóliginiń biri, Qazaqstan Respýblıkasy Memlekettik Eltańbasyndaǵy «Qazaqstan» jazýynyń latyn grafıkasyna aýystyrylýy.

Saltanatty sharaǵa Qazaqstannyń barlyq óńirinen 200 delegat qatysady. Olardyń ishinde óz kásibiniń úzdik ókilderi, el úshin qaltqysyz qyzmet etip júrgen: ár saladaǵy birlestikterdiń ókilderi, etno-mádenı ortalyqtardyń jetekshileri, úkimettik emes jáne jastar uıymdarynyń jetekshileri, eńbek ardagerleri, zıaly qaýym jáne BAQ ókilderi bar.

Forým barysynda erekshe eńbek etip, kúndelikti eńbegimen jáne úlgili isimen jurt nazaryna ilingen, memlekettik rámizderdi nasıhattaýda shynaıy súıispenshiligin kórsetken azamattar «Jyl patrıoty» nomınasıasymen marapattalyp, baǵaly syılyqtar tapsyrylatyn bolady.

Bastalýy: 5 jeltoqsan, ýaqyty 11:00

Meken-jaıy: Astana qalasy, Máńgilik el dańǵyly 10/1,

«Qazaqstan» ortalyq konsert zaly