Erler, áıelder sambo kúresi jáne jaýyngerlik sambodan bıylǵy álem chempıonaty Rýmynıa eliniń Býharest qalasynda ótti. Jarystyń sońǵy kúni, 11 qarashada, Nurken Dombaev qorjynǵa  qola medal saldy.

Jarysqa álemniń 80 elinen 450-den astam sportshy qatysty. Erler – 9, áıelder – 9, jaýyngerlik sambo – 9 salmaq túrinen baq synady.

Nurken Dombaev 52 salmaq dárejesinde óner kórsetedi. Saıysqa baptaǵan jattyqtyrýshysy – Berik Jumaǵalıev. Palýan qyrǵyz, horvat, ózbek, mońǵol samboshylaryn jeńgen bolatyn. Degenmen sheshýshi kezeńde armenıalyq balýanǵa qolynyń jaraqaty saldarynan ese jiberdi.

Jarys jeńimpazdary men júldegerleri sambo kúresiniń 80 jyldyǵy medalimen birge 1-orynǵa 3000$, 2-orynǵa 2000$, 3-orynǵa 1500$ aqshalaı sertıfıkattarymen marapattaldy.

3 kúnge sozylǵan dúbirli dodada Qazaqstan qurama komandasynyń qorjynyna 2 altyn, 1 kúmis, 3 qola medal tústi. Al jalpy komandalyq esepte Reseı quramasy – 1 oryn, Grýzıa – 2 oryn, Qazaqstan quramasy – 3 oryn aldy.

Álem chempıonatynda júldege ilikken palýandy jaqyndary, dostary men jankúıerleri áýejaıdan qarsy aldy.