Aqtaýda «Jarqyn bolashaqqa – Jańǵyrý jolymen» atty Mańǵystaý oblysy Qazaqstan halqy Assambleıasynyń kezekti sesıasy ótti. Oǵan Qazaqstan halyqtary Assableıasy tóraǵasynyń orynbasary Tvarıonas Vıtalıı Iono, QR Prezıdenti Ákimshiligi Qazaqstan halqy Assambleıasy Hatshylyǵynyń sektor meńgerýshisi Názıpa Shanaı, «Qoǵamdyq kelisim» ókilderi, respýblıka boıynsha delegattar, máslıhat hatshylary men depýttatary, aýdan jáne qala ákimderi qatysty.  

 «Bizdiń mindetimiz – Qazaqstan halqy Assambleıasynyń rólin arttyrý jáne elimizdegi qoǵamdyq kelisim men turaqtylyqty saqtaý. Sondyqtan, árbir jasaǵan jumystarymyzǵa jaýaptylyqpen qaraýǵa tıistimiz. Damyǵan 30 eldiń qataryna enýge umtylǵan Táýelsiz Elimizdiń alǵa qadam basqanynda Sizderdiń árqaısylaryńyzdyń úlesterińiz bar! Sol úshin de Sizderge erekshe  alǵysymdy bildiremin. «Birligi bar eldiń, tirligi de berekeli bolady» - degen dana halqymyz. Jumylyp jasaǵan isimizdiń nátıjeli bolary anyq», - degen Mańǵystaý oblysy ákimi Eraly Toǵjanov Assambleıa aıasynda óńirde jasalǵan jumystardy qorytyndylady. Oblystaǵy turaqtylyqty saqtaý men el damýyna aıtýly úles qosyp júrgen óńirdegi barlyq etnos ókilderina alǵysyn aıtty.  

Sesıa  barysynda Qazaqstan halqy Assambleıasy tóraǵasynyń orynbasary Vıtalıa IonoTvarıonas, «Qyrǵyzstan-Astana» qoǵamdyq birlestiginiń tóraǵasy Sh. Ismaılov, «Býlgar» tatar etnomádenı birlestiginiń ókili, StreetWorkaut 2018 jylálem chempıony I.Iagáev, Jıhaz shyǵarý sehynyń dırektory A.Chıgın, sóz sóıledi.

Sh. Esenov atyndaǵy KMTIÝ «Qazaqstan halqy Assmableıasy»  kafedrasynyń meńgerýshisi A.Mambetova Elbasy joldaýyn talqylap, QHA janyndaǵy ǵylymı-saraptamalyq toptyń atqarǵan jumystaryna toqtaldy.

«Búginde oblysta 20 etnomádenı birlestik bar. Olar elimizdiń qoǵamdyq ómirine, aımaqta ótetin sharalarǵa belsendi qatysady. Bıyl Aqtaýda jańa assambleıa ǵımaraty paıdalanýǵa berildi. «Rýhanı jańǵyrý» baǵdarlamasy aıasynda oblystyq assambleıa «Uly dala eli murasy» tarıhı aksıasyn, «Asar. Jomart júrek» qaıyrymdylyq aksıasyn ótkizdi. Jyl saıyn qaıyrymdylyq maqsatta mesenattar forýmyn ótkizip keledi. Elbasy joldaýyn júzege asyrýda belsendilik tanytatyn QHA keńesiniń 6 qazan kúni Astanada keńeıtilgen otyrysy ótti. Joldaýda kórsetilgen naqty baǵyttar boıynsha jumystar josparlandy», - dedi Vıtalıı Iono óz sózinde Sondaı-aq ol Astana qalasynyń 20 jyldyǵyna  Mańǵystaý oblysy tartý etken assambleıa ǵımaraty úshin astanalyqtar men assambleıa músheleri atynan alǵysyn bildirdi.

Al «Vaınah» sheshen jáne ıngýsh etno mádenı birlestiginiń ókili D. Elımhanov: «Kelesi jyldy Elbasymyz «Jastar jyly» dep jarıalaǵany belgili, bul jastarǵa kóbirek kóńil bólinedi degen sóz. Sondyqtan biz óz eńbegimizben, bilimge qushtarlyǵymyzben jáne naqty isterimizben elimizdiń dańqyn shyǵarýǵa mindettimiz! Bizge táýelsizdikti saqtaý jáne nyǵaıtý úshin erekshe jaýapkershilik júkteldi! Táýelsizdigimizdiń tuǵyry – memtelkettik tilimiz. Elbasymyz aıtqandaı, memlekettik tilimiz bul – Tý, Eltańba, Ánuran sıaqty ultymyzdyń sımvoly, elimizdiń bolashaǵy. Sondyqtan 2016 jyly qazaq tiline den qoıyp, úırene bastadym. Óıtkeni biz osylaı ǵana mádenıetimizdi, dástúrimizdi, táýelsizdigimizdi saqtaı alamyz», - dedi óz baıandamasynda.

Sesıa sońynda oblys ákimi E.Toǵjanov belsendi qoǵamdyq qyzmeti, ulttyq birlikti nyǵaıtýǵa jáne qoǵamnyń rýhanı damýyna qosqan úlesi úshin oblystyq etnomádenı birlestikter múshelerine Alǵys hat tabystady.