Oblys ákimi Eraly Luqpanuly Mańǵystaý oblystyq Qazaqstan Halqy Assamdleıasynyń HHİİ sesıasy otrysynda osylaı dedi. Ol Mańǵystaý jerinde Ult kóshbasshysynyń «Rýhanı jańǵyrý» baǵdarlamasy men «Prezıdenttiń bes áleýmettik bastamasy» úndeýine qatysty júrgizilip jatqan aýqymdy jumystarǵa toqtaldy.

Basshynyń aıtýynsha, «7-20-25» baǵdarlamasy sheńberinde oblys ortalyǵynda 22 jeke qurylys kompanıalary 2300 páterlik 15 turǵyn úı kesheniniń qurylystaryn júrgizip jatyr. (1 sharshy metrdiń ortasha quny 178 myń teńge, 140 myńnan 240 myńǵa deıin).

«Ekinshi deńgeıli bankter 335 ótinimdi qarap 1,8 mlrd. teńgege 216 nesıeni maquldady (1,4 mlrd. teńgege 170 nesıe berildi). Jyl aıaǵyna deıin«7-20-25» baǵdarlamasy boıynsha 900 páter tapsyrylady, - dedi ol.

Sondaı-aq «7-20-25» baǵdarlamasynyń talaptarynyń qoljetimdiligin jaqsartý maqsatynda, bastapqy tólemdi tómendetý boıynsha arnaıy mehanızm jasaqtaldy. Mehanızm «Banksentrkredıt» pen «Forte bank» tarapynan qoldaý taýyp, Bankter Basqarmasy men «Baspana» AQ-na kelisýge joldanǵan.