Aqtaýdaǵy ashıhara-karateden ÁCH-da Qazaqstan úshinshi oryn aldy

Ashıhara-karateden álem chempıonaty 8-10 qarasha kúnderi «Mańǵystaý Arena» sport kesheninde ótti. Oǵan álemniń 20 elinen 243 sportshy qatysty. Saıys nátıjesinde Reseı quramasy kósh basyna shyqsa, Rýmynıa sportshylary ekinshi oryn aldy. Al úzdik úshtikti jerlesterimiz qorytyndylady.

Aıta keteıik, ashıhara-karateden VI Álem chempıonatyna uıymdastyrý komıtetiniń menedjeri Igor Otarov, «Ashıhara-karate qoǵamdastyǵy–jańa halyqaralyq karate» uıymynyń basshysy Kantó Hıdenorı Ashıhara jáne sportshylar men jattyqtyrýshylar qatysty

-Álem chempıonaty eń aldymen salaýatty ómir saltyn nasıhattaý sharasy. Sondyqtan mundaı sharaǵa basshylyq nemese sportshylar ǵana emes, qoǵam boa atsalysýymyz qajet. Men buǵan deıin mundaı joǵary deńgeıde uıymdastyrylǵan chempıonat kórmedim desem artyq aıtqanym emes. Tolyqtaı zamanǵa saı jasaqtalǵan, qabyrǵalardyń bári ashıhara-karate jaıly sóılep turǵandaı. Qaıda qarasam da maǵan ákemniń janaryn kórgendeı bolamyn. Bul saıystan keıin sizdiń elde karate sportyna qyzyǵýshylar sany artady dep úmittenemin, — deıdi ashıhara-karate halyqaralyq uıymynyń jetekshisi Hıdenorı Ashıhara.

Karateshilerdiń bul saıysy Qazaqstanda ǵana emes, Azıa aýmaǵynda alǵash ret ótti. Oǵan Aýǵanstan, Ózbekstan, Ázirbaıjan, Danıa karateshileri qatysty. Balandın Aleksandr, Nýrgazyev Mıras, Zýenko Damır, Romanova Sofá syndy aqtaýlyq sportshylar júldegerler qatarynan kórindi.