Mańǵystaý ákimi memlekettik organdarǵa tarıfter men baǵalardy tómendetýdi tapsyrdy

Mańǵystaý oblysynyń ákimi Eraly Toǵjanov komýnaldyq qyzmet tarıfteri, azyq-túlik, dári-dármek, medısına, bilim berý, qyzmet kórsetý salasyndaǵy aqyly qyzmetter t.b. máseleler boıynsha ótken jıynda memlekettik organdarǵa birqatar naqty tapsyrmalar berdi.

Sonyń ishinde energetıka jáne TÚKSH basqarmasyna komýnaldyq qyzmetterdiń tarıfteri jónindegi keńes qurý jáne onyń quramyna barlyq múddeli taraptardy engizý tapsyryldy. Aýdandar men qala ákimderine vedimistik memlekettik uıymdar men PKSK (mysaly qoqys, lıftiler shyǵarý, turǵyn úıge qyzmet kórsetý jáne t.b.) tarıfterdi tómendetý jónindegi naqty sharalardy qabyldaý jónindegi jumys toptaryn qurý tapsyryldy. Bul týraly oblys ákiminiń baspasóz qyzmeti habarlady.

*Densaýlyq saqtaý, bilim, jolaýshylar kóligi jáne avtojoldar, qurylys basqarmalary aýdandar men qala ákimderimen birlesip, jetekshilik etetin salalarda baǵalar men tarıfterdi tómendetý jóninde ózara is-qımyl jáne naqty sharalar ázirleý jóninde jumys toptaryn qursyn.

*Kásipkerlik jáne saýda, aýyl sharýashylyǵy basqarmalary aýdandar men qala ákimderimen birlesip, JJM, azyq-túlik ónimderi, ásirese mereke aldyndaǵy jáne mereke kúnderi áleýmettik mańyzy bar azyq-túlik ónimderine baǵanyń negizsiz ósýine jol bermeý úshin turaqty jáne qatań monıtorıńti qamtamasyz etý.

*Aýdan jáne qala ákimderi turaqty túrde  azyq-túlik ónimderin, jergilikti óndirýshilerdiń ónimderin jyljytý jáne satý boıynsha járdem kórsete otyryp, olardyń aǵymdaǵy jaǵdaıyn qadaǵalasyn.

*İri kompanıalardyń basshylary 2019 jylǵy satyp alý josparynda jergilikti taýar óndirýshilerdiń taýarlaryn, jumystaryn, qyzmetterin barynsha satyp alýdy kózdesin. Olar bolmaǵan jaǵdaıda jáne basqa qalalardaǵy uıymdardan taýarlardy, jumystardy, qyzmetterdi satyp alý, oblys aýmaǵynda basqa qalalardaǵy kompanıalardyń fılıaldaryn tirkeýdi qamtamasyz etsin.

*Monopolıaǵa qarsy Departament naryq  qatysýshylarynyń teris pıǵyldy is-áreketterine der kezinde den qoıý, baǵany negizsiz kóterýdi sóz baılasýǵa jol bermeý.

*Ulttyq Banktiń fılıalyna ekinshi deńgeıdegi banktermen, "Qazposhta" AQ fılıalymen birlesip, banktik qyzmet kórsetý salasyndaǵy tarıfterin tómendetý, aýyldyq jerlerde olardyń fılıaldarynyń qatysýyn keńeıtý jóninde naqty sharalar qabyldasyn.