«Sıfrly Qazaqstan» baǵdarlamasy aıasynda oblysta ekonomıkanyń barlyq salasyn qamtıtyn sıfrlandyrýdyń jol kartasy bekitildi. Oblystaǵy bilim jáne densaýlyq uıymdarynyń barlyǵy keń jolaqty ınternetpen 100% qamtyldy. Bul jóninde Mańǵystaý oblysynyń ákimi Eraly Toǵjanov málimdedi.

-Qoǵamdyq qaýipsizdikti qamtamasyz etý salasynda «Qaýipsiz qala» jobasy aıasynda 600 beınebaqylaý kameralary ornatylady. Pılottyq rejımde Aqtaý qalasynda 10 úı «E-shańyraq» aqparttyq júıesine qosyldy. Atalǵan úılerde jylý, sý, elektrdiń naqty esebin júrgizetin avtomattandyrylǵan júıe ornatylyp, prıborlardan kórsetkishter onlaın tártibinde alynady. «Qazaqtelekom» kompanıasynyń qoldaýymen oblystyń barlyq eldi mekenderi ınternet jelisimen tolyqtaı qamtyldy, onyń jyldamdyǵy arttyryldy, - dedi ol.

Sonymen qatar óndiristik kásiporyndar (munaı kompanıalary) óndirý prosesin arttyrý jáne avtomattandyrý maqsatynda ken oryndarynda sıfrlyq elementter engizgen.

Aıta keteıik, respýblıkada oblysymyz birinshi bolyp 1 qazannan bastap tolyqtaı sıfrlyq habar taratýǵa kóshti.