Oblys ákimi  Eraly Toǵjanov komýnaldyq qyzmet tarıfteri, azyq-túlik, dári-dármek, medısına, bilim berý, qyzmet kórsetý salasyndaǵy aqyly qyzmetter, qurylys materıaldary men 1 sharshy metr turǵyn úı baǵasy, JJM tarıfteri, baılanys qyzmetteri jáne basqa máseleler boıynsha kezdesý ótkizdi.

Aımaq basshysy qoǵam belsendilerine, úkimettik emes uıymdarǵa, iri ónerkásiptik kásiporyndar ókilderine, memlekettik basqarmalar men departamentterge,quqyq qorǵaý organdarynyń basshylaryna baǵany tómendetý joldaryn talqylaýdy jáne  baǵany tómendetýge kedergi keltiretin problemalyq máselelerdi sheshýge arnalǵan jospar ázirleýdi usyndy.

«13 qarasha kúni Premer Mınıstrmen ótken Úkimet otyrsynda, Elbasy tapsyrmasyn oryndaý maqsatynda, 2019 jyldyń 1 qańtarynan  bastap  taýarlardyń, jumystar men kórsetiletin qyzmetterdiń baǵalaryn jáne tarıfterdiń qunyn tómendetý týraly tapsyrma berildi. Baǵa belgileý kezinde eskeriletin negizsiz shyǵyndardy alyp tastaý  esebinen baǵalar men tarıfterdi tómendetýdi  qamtamasyz etý mindeti qoıyldy. Halyq keńesterdiń, jumys toptarynyń, memlekettik organdardyń, qala jáne aýdan ákimderiniń, bıznes ókilderiniń,  úkimettik emes uıymdardyń jáne monopolıserdiń jumystary týraly habardar  bolýy qajet. Atalǵan top ókilderi problemalyq máselelerdi ashyq rejımde talqylap, ony sheshý joldaryn usyný qajet. Qazir biz 1 jeltoqsanǵa deıin qandaı taýarlar men qyzmetterge, 2019 jyldyń 1 qańtarynan bastap naqty baǵalar men tarıfterdi tómendete alatynymyzdy anyqtap alýymyz kerek», - dedi Eraly Toǵjanov.

«Bahyt» PIK basshysy oblys ákimine Aqtaý qalasy boıynsha aǵymdaǵy máseleler tizimin berdi. Onyń ishinde jóndeý jumystaryn, aýystyrýdy  qajet etetin nysandarǵa jáne káriz júıesindegi máselelerge toqtaldy Sondaı-aq jaz mezgilinde ystyq sýmen qamtamasyz etý máselesi men jumsaq shatyrdy metalǵa aýystyrý qajettiligin aıtty. Óńir basshysy Eraly Toǵjanov  jumys tobyna usynylǵan máselelermen aınalysýdy tapsyrdy.

Nıkar Rafıkova kólik tarıfteriniń baǵasynyń ósýine áser etetin ózekti máselelerdi aıtty. Sondaı-aq elektr energıasyn taratý jáne jetkizý úshin aqsha alatyn barlyq kompanıalarǵa tekserý júrgizýdi usyndy.