UFC-degi alǵashqy jeńisten keıin reseılik qazaq Damır Ismaǵulovtyń aldynan úlken múmkindikter ashyldy. Bastysy endigi amaldarǵa saýattylyqpen kóshý kerek dep jazady Qamshy.kz aqparat agenttigi vesti.kz saıtynyń deregin negizge alyp. Degenmen UFC basshysy Dana Ýaıttyń basty faıterleri tizimine kirý óte qıyn. Ásirese Ismaǵulovtyń salmaǵynda qıynǵa soǵatyny anyq.
Jalpy UFC-ge iligý úshin barynsha eńbektenip, ekinshi deńgeıli promoýshenderde úzdik ataný qajet. Chempıon bolyp, óz-ózińdi barynsha kórsete alý kerek.
Bul kópshilikke belgili, eń senimdi jol. Degenmen myqty faıter bolmaı-aq ta UFC-ge aparatyn soqpaqtar bar.
Bul promoýshen tarıhynda medıalyq turǵydan tanymal faıterlerdiń UFC aıasynda judyryqtasqanyn kórsetetin mysaldar jeterlik. Tipti chempıondyq ataqqa da talasatynda jıi kezdesedi. Bul úshin árıne tartymdylyq, myqty treshtok kerek. Degenmen, judyryqtasa alý qabileti kóbirek mańyzǵa ıe ári kóptegen múmkindikke jol ashady.
Ismaǵulov judyryqtasyp, oktogondaǵy eńbegi arqyly tanylǵan faıter. Endi ol tek oktogon ishinde ǵana emes, onyń syrtynda da ımıj jasaǵany jón.
Alǵashqy jekpe-jegin jeńil salmqata ótkizdi. Alaıda ol keıin jartylaı jeńil dıvızıonǵa ótý týraly oıyn aıtty. Eki dıvızıonda da myqtylar jetip artylady. Kimdi alsań da, jyrtqyshtaı atylyp tur. Sondyqtan munda top-3 tizimine jetý úshin talaı synaqqa shydam qajet. Máselen Habıb Nýrmagomedov óz sátin jyldar boıy kútti.
Reseılik jeńil salmaqta uıym chempıony. Odan keıin Tonı Fergúson (AQSH), Konor MakGregor (Irlandıa), Dastın Pore (AQSH), Kevın Lı (AQSH), Edson Barboza (Brazılıa), Neıt Dıas (AQSH), Djastın Getjı (AQSH) jáne basqalary tur. Mundaǵy atalǵan úsh faıter TOP-15 P4P reıtıńinde - Habıb, Konor jáne Tonı.
Jartylaı jeńil dıvızıondy gavaılyq Maks Holoýeı bastap tur. Sondaı-aq, Braıan Ortega (AQSH), Joze Aldo (Brazılıa), Frenkı Edgar (SAQSH), Renato Moıkana (Brazılıa), Chad Mendes (AQSH) te myqtylar sanatynda. Jalpy eki dıvızıon da ońaı emes.
Álbette, bul faıterlermen jekpe-jek ótkizý áli erte. Ismaǵulovqa olardy birden bere qoımaıdy, onyń ústine Damır áli beıimdeledi, oǵan qarsy laıyqty qarsylastar qoıady. Ismaǵulovtyń qazirgi kelisimsharty úsh-tórt jekpe-jekke eseptelgen. Mine osy ýaqytta ol ózin tanytyp, kelisimdi uzartýy qajet.
Eske salaıyq, Aýstarlıanyń Adelaıde qalasynda ótken UFC Fight Night 142 týrnırinde Ismaǵulov jergilikti faıter Aleksa Gordjes jeńdi.
