Elbasymyz N.Ábishulynyń «Uly dalanyń jeti qyry» atty maqalasyn barlyq yntammen, qyzyǵa oqyp shyqtym.

Elimizdiń bolashaǵy bolyp tabylatyn búgingi jas búldirshinderdi tárbıelep otyrǵandyqtan, ata-babamyzdyń júrip ótken joldaryn, tól tarıhymyz týraly, eń aldymen, bizder, ult tárbıeshileri bilýimiz kerek. Sondyqtan maqalany barlyǵymyz oqyp, ony ujym bolyp jan-jaqty talqyladyq.

Maqalanyń mazmuny óte tereń, ári maǵynaly. Osyndaǵy alǵashqy bólimde dalanyń jeti qyry týraly qalaı keremet aıtylǵan. «Ata-babamyzdyń atqa miný mádenıeti», «Uly daladaǵy ejelgi metalýrgıa», «Ań stıli», «Altyn adam», «Túrki áleminiń besigi», «Uly Jibek joly», «Qazaqstan  – alma men qyzǵaldaqtyń Otany» degen bólimderiniń árqaısysyna toqtalyp, tarıhymyzdy qaıta tanyǵandaı kúı keshkenimiz jasyryn emes.

Elbasymyz osynaý maqalasy arqyly sanamyzǵa silkinis ákelip, erekshe rýh berdi. Maqaladan úlken oı túıdim. «Atqa miný mádenıeti» maǵan erekshe áser berdi. Meniń tabıǵatyma jaqyn desem de bolady. Halqymyz qal surasqan kezde de «mal-jan aman ba?» dep jatady. Ata-babamyz tórt túlik dep erekshe qadir tutýy da tekten-tek bolmasa kerek.

«At – er qanaty». Nebir qıyn-qystaý zamanda erlerimiz at ústinen túspeı, jaýdan eldi qorǵady. Erler eldi qorǵasa, júırik tulpar batyrlarymyzdyń jan serigi boldy.

Maqalany oqyp otyryp, tarıhymyzdy qaıta oqyp shyqqandaı áserde boldym. Mine, álem tanyǵan Qazaqstannyń úlgili, bilimdi, básekege qabilettilik tanyta biletin ul-qyzyn tárbıeleýde biz, eń aldymen, osynaý eńbekti ózimizge baǵyt beretin baǵdarsham etsek, bizdiń de, biz tárbıelep otyrǵan jas urpaqtyń da adaspasy anyq.         

Zábıra Ábdikárimova