Aqtóbe oblysynyń úzdik aýyl eńbekkerlerine syıaqylar men avtokólikter tabystaldy.
Aqtóbede aýyl sharýashylyǵy kúnine oraı jármeńke ótkizilip, bir lıtr súttiń baǵasy 200 teńge bir keli et 1250 teńge, kartop 60 teńge boldy.
Bir ǵana Mártók aýdanynyń aýyl sharýashylyǵyn óndirýshileri oblys ortalyǵyna bir sentnerden astam sıyr jáne jylqy etin, 100 keli qoı men shoshqa etin, 300 keliden astam sút ónimderin ákeldi.
Oblystyq aýyl sharýashylyǵy basqarmasynyń basshysy Qusaıyn Sársembaev bıyl aýyl halqynyń eńbek ónimdiligi bir jumysshyǵa 48%-ǵa (ótken jylmen salystyrǵanda 705 myń teńgeden 1,2 mln teńge deıin) óskenin, asyl tuqymdy mal basy 51%-ǵa (28 myń bastan 42 300 basqa deıin) artqanyn aıtty.
Qusaıyn Sársembaev:
* Egistiktiń 15%-ǵa, 754 100 gektarǵa deıin, sýarmaly jerlerdiń 41%-ǵa, 30 600 gektarǵa deıin ósýi, ınovasıalyq jobalar men óńdeý óndirisin engizý óńirdiń azyq-túlik qaýipsizdigin kúsheıtýge múmkindik beredi. Dástúrli emes aýyl sharýashylyǵy belsendi damyp keledi. qazirgi tańda ara, qoıan, balyq, bódene ósiretin 600-den asa sharýashylyq bar. Jańa eginniń astyǵy ortasha alǵanda 12 sentnerden 17 sentnerge deıin jınaldy, qoı sharýashylyǵy belsendi damyp jatyr. Aýyl sharýashylyǵy eńbekkerleri alda keledi jáne árqashan el Prezıdentiniń saıasatyn belsendi túrde qoldaıdy,- dep atap ótti.
Budan basqa, atalmysh sala eńbekkerlerin marapattaý saltanaty ótti. Boranıaz Erishov («Qazsýshar» RMK AF bas mamany), Nadejda Nurjanova ( «Aıbek» ÁKK) men Qadir Qıbashev (Qarǵaly aýdany) «Eńbek ardageri» medalimen, 18 aýyl turǵyny Aýyl sharýashylyǵy mınıstrliginiń gramotalarymen, 62 qyzmetker oblys ákiminiń alǵys hattarymen marapattaldy. Marapattalǵandardyń qatarynda «Kazahstanskaıa pravda» gazetiniń tilshisi Jubanysh Baıgýrınov te bar. Shopandar, jylqy, túıe baqtashylary da baǵaly syılyqtarǵa ıe boldy. Mal dárigerlerine, malshylarǵa, aýyl sharýashylǵy qurylymdarynyń mehanızatorlaryna, brıgadırlerine jańa avtokólikterdiń kiltteri tartý etildi. Syıaqy alǵandardyń ishinde Áıteke bı aýdanyndaǵy «Komsomol» JSHS-de 26 jyl eńbek etip kele jatqan traktorshy Serjan Bımaǵambetov te bar.
- Men Komsomol aýylynda týyp-óstim jáne áli kúnge deıin osynda turamyn. Jumys bar, aılyǵy da jaqsy, biraq osyndaı syılyq alǵanyma erekshe qýanyshtymyn, bir jaǵynan bul meniń birinshi syılyǵym,-deıdi Serjan Bımaǵambetov.
