2018 jyldyń 7 jeltoqsanynda Astana Ulttyq akademıalyq kitaphanasynda Zamanaýı Qazaqstan sýretshileri ılústrasıalaǵan katalogtyń tusaýkeseri bolyp ótti dep jazady Qamshy.kz aqparat agenttigi.
Kitapqa "Jahandyq álemdegi zamanaýı Qazaqstan mádenıeti" jobasynyń aıasynda iriktelgen 60 avtor men 180 týyndy endi. «Rýhanı jańǵyrý» baǵdarlamasy aıasynda qolǵa alynǵan Jahandyq álemdegi zamanaýı Qazaqstan mádenıeti» kitaby jobasy otandyq sýretshilerdiń jumysymen tanysyp qana qoımaı, olardyń eńbegin álemdik deńgeıde nasıhattaý bolyp tabylady.
Bul bárimiz úshin úlken qýanysh» delingen mınıstr sózin Mádenıet jáne óner isteri jónindegi departament dırektory Ábil Jolamanov jetkizdi.
Sondaı-aq, Ábil Jolamanov qazirgi zamannyń úzdik sýretshilerin jınaǵan katalogty tanystyryp, bul jobaǵa shyǵarmashylyq qaýymnyń qyzyǵýshylyǵy zor ekendigin atap ótti.
«Jınaqqa engen týyndylar halyqaralyq jáne respýblıkalyq deńgeıdegi sarapshy mamandardyń baǵalaýymen iriktelip, tańdalǵan. Bastapqyda sarapshylarǵa 254 avtordyń 500-den asa jumysy usynylǵan. Solardyń ishinde oza shapqan úzdik 180 týyndy kitapqa engizilgen», - dedi óz sózinde Qazaq ǵylymı-zertteý mádenıet ınstıtýtynyń dırektory, fılosofıa ǵylymdarynyń doktory Hazbýlatov Andreı.
Sarapshylar quramynda T.Júrgenov atyndaǵy QazUÓA-nyń profesory, ónertaný kandıdaty Olga Batýrına jáne ónertaný kandıdaty, pedagogıka ǵylymdarynyń doktory Madına Sultanova syndy mamandar bar.
Merekelik sharaǵa qatysqan IýNESKO klýbtarynyń Qazaq Ulttyq Federasıasynyń vıse-prezıdenti Serkan Aıazbaev «Bul zamanaýı Qazaqstan ónerin tanımyn deýshilerge tamasha ádisteme bolatyndyǵyna senimdimin. Dala rýhyn taný úshin onyń tilin bilýden góri, mádenıeti men adamdarynyń ishki jan-dúnıesin uǵý qajet», dep atap ótti. Sonymen qatar, belsene atsalysqan barlyq óner ıelerine sáttilik tiledi.
