6-8 jeltoqsan kúnderi SSRO sport sheberi Qaırat Meırambaevty eske alýǵa arnalǵan sambo kúresinen 23 jasqa deıingi ul-qyzdar arasynda QR chempıonaty ótti. Taldyqorǵandaǵy jarystan Mańǵystaý komandasy 1 orynǵa ıe boldy.

Saıysqa elimizdiń 3 qala, 14 oblysynan barlyǵy 600 sportshy qatysqan.

Mańǵystaý qurama komandasynyń músheleri «Jas batyr» sport mektebiniń samboshylary tuńǵysh ret óz baqtaryn synaǵan. Nátıjesinde olar 4 altyn, 2 kúmispen qarsylastaryn basyp ozdy.

Atap aıtsaq, Dáýren Tólegenov (52 keli), Baýyrjan Narbaev (57 keli), Ramazan Mamaev (62 keli), Aqnıet Turdan (64 keli) altyn júlde alsa, Nurbek Qýanyshuly (68 keli) men Erǵazy Baǵdat (74 keli) kúmis medal enshiledi.

Jeńimpazdar men júldegerlerdi saıysqa saqadaı saı etip daıyndaǵan – bapker Berik Jumaǵalıev.