Aqtóbede múmkindigi shekteýli jandar kúnine arnalǵan «Parasatty ómir» óńirlik forýmy ótti.
Oǵan oblystaǵy múgedekterdiń qoǵamdyq birlestikteriniń ókilderi, sonymen qatar aýdan ákeimderiniń osy salaǵa jaýapty keńesshileri qatysty. Bul múmkindigi shekteýli jandardyń máselelerimen aınalysatyn uıymdardyń jumystaryn qorytyndylaıtyn jyl saıynǵy shara. Qoǵamdyq uıymdar óńirde atalmysh baǵytta atqarylyp jatqan aýqymdy qyzmetter jaıynda aıtyp berdi.
- Men ár adamnyń bilimdiligi men tárbıesi onyń turmysy nashar turǵyndarǵa, kópbalaly otbasylarǵa jáne ásirese múmkindigi shekteýli jandarǵa qanshalyqty kómek pen qoldaý kórsetýge daıyn ekendigimien baǵalanady dep oılaımyn. Buǵan jalpy Elbasy saıasaty da baǵyttalǵan. Prezıdenttiń aǵymdaǵy Joldaýy da áleýmettik sıpatta. Joldaý eń aldymen árbir qazaqstandyq úshin qolaıly jaǵdaı jasaý úshin baǵyttalǵan, - dedi oblys ákimi Berdibek Saparbaev óziniń qatysýshylarǵa arnaǵan sózinde.
Óńir basshysy memleket pen qoǵamnyń bar kúshi múmkindigi shekteýli jandarǵa barlyq jaǵdaı jasaý úshin baǵyttalýy kerek ekenin atap ótti. Sondyqtan, memlekettik organdar men qoǵamdyq uıymdardyń jumysynda múgedekterge qandaı da bir mamandyq alýǵa múmkindik beretin jobalar men baǵyttarǵa basymdyq beriledi. Máselen, ákimniń sózinshe qazirgi tańda múgedekterdi massaj jasaýshy mamandyǵynan basqa tis dárigeri mamandyǵyna da oqytyp jatyr.
Ol sondaı-aq, kásiporyndar men túrli kompanıa basshylarymen olar múgedekterge bos jumys oryndaryn bólý týraly zań talabyna qarsy kelmeýleri úshin jumystar júrgizilip jatqandyǵyn atap ótti. Áleýmettik jaýapkershilik tanytyp, halyqtyń osy sanatyna jumys oryndaryn ashqandardy mysalǵa aldy. Ákimniń málimetinshe, bıyl múmkindigi shekteýli 800 adam jumysqa ornalasqan.
Bul rette densaýlyǵynda kináráti bar aqtóbelikter, sonyń ishinde jastardyń ózderi jaqsylyqqa umtylyp, maqsat qoıyp, soǵan jetýleri kerek,
Óz kezeginde sal azamattardy qorǵaý qoǵamynyń tóraıymy Quralaı Báımenova múgedekterdiń quqyǵyn qorǵaý salasynda júrgizilip jatqan jumystar men kórsetilgen qoldaý úshin alǵysyn bildirdi. Ol sondaı-aq, múmkindigi shekteýli jandardy belsendi bolyp, tuıyqtalyp qalmaýǵa shaqyrdy.
- Bizdiń forýmdar óz formatyn, taqyrybyn jyl saıyn ózgertip otyrady. Zıan keltirme, kúndelikti kem degende bir adam qamqorlyqty, mahabbat pen jylýlyqty seziný úshin is jasa», - dedi ol.
Forým kezinde múgedektigi bar azamattardy qorǵaýǵa baǵyttalǵan qozǵalysqa úlken úles qosyp, múgedekterdi áleýmettik qorǵaý salasyndaǵy kópjyldyq eńbegi men belsendi ómirlik ustanymy úshin úkimettik emes bes uıymnyń basshylary oblys ákimi atynan marapattaldy. Sondaı-aq, múmkindigi shekteýli eń belsendi on aqtóbelik alǵys hattar aldy.
«Invataksı» kólik qyzmetin damytý maqsatynda «Halyq» qaıyrymdylyq qory Qazaqstannyń halyq bankimen birlese Quralaı Báımenovaǵa shaǵyn avtobýstyń kiltin tabys etti. «GAZ 32212» markaly avtomobıli arbaǵa tańylǵan múgedek jandardy tasymaldaýǵa arnalǵan jáne Aqtóbe qalasyna qyzmet kórsetedi, sonymen qatar, Qarǵaly, Aqjar, Jańaqonys jáne Qurashasaı aýyldaryna qatynaıtyn bolady.
Oblystyq jumyspen qamtýdy úılestirý jáne áleýmettik baǵdarlamalar basqarmasynyń málimetinshe búginde óńirde 25 myńnan asa múgedek turady, olardyń 3 myńnan astamy balalar. Halyqtyń osy sanatynyń túrli qajettilikteri úshin, sonyń ishinde tehnıkalyq qosalqy quraldardy satyp alýǵa, shıpajaıda emdelýge jáne taǵy da basqalar úshin 2018 jyly búdjetten 1,8 mıllıard teńge bólingen. Túrli úkimettik emes uıymdar múgedekterdi ońaltýǵa jáne turmysyn jaqsartý úshin neshe túrli qyzmetterdi belsendi kórsetýde.
