Aqtóbe oblysynyń jastary sarapshylarmen birge Prezıdenttiń «Uly dalanyń jeti qyry» maqalasyn talqylady.

Ataqty qazaqstandyq saıasattanýshylar, qoǵam qaıratkerleri memleket basshysynyń «Uly dalanyń jeti qyry» maqalasy týraly pikirlerimen almasý úshin aqtóbelik jastarmen kezdesti.

Shyǵarmashylyq akademıasynda ótken kezdesýge óńirdegi joǵary jáne arnaıy orta oqý oryndarynyń 400-den asa belsendi stýdentteri qatysty. Óńirge arnaıy kelgen «Egemen Qazaqstan» RG» AQ basqarma tóraǵasy, Halyqaralyq túrki akademıasynyń prezıdenti Darhan Qydyráli, «Qazaqparat» halyqaralyq aqparat agenttiginiń bas dırektory Asqar Ýmarov, «Qasıetti Qazaqstan» ǵylymı-zertteý ortalyǵynyń dırektory Berik Ábdiǵalı, qoǵam qaıratkeri Aıdos Sarym, «Qazaqstan blogerleriniń alánsy» QB tóraǵasy Ǵalym Baıtýk maqala erejeleriniń oryndalýy týraly óz kózqarastarymen bólisti.

Jıyndy ashqan oblys ákimi Berdibek Saparbaev Prezıdenttiń «Uly dalanyń jeti qyry» baǵdarlamalyq maqalasy eń aldymen jastarǵa baǵyttalǵanyn atap ótti.

Kezdesýge oblys ákimi Berdibek Saparbaev, «Egemen Qazaqstan» respýblıkalyq gazeti» aksıonerlik qoǵamynyń basqarma tóraǵasy, halyqaralyq Túrki akademıasynyń prezıdenti Darhan Qydyráli, «Qasıetti Qazaqstan» ǵylymı-zertteý ortalyǵynyń dırektory Berik Ábdiǵalı, «QazAqparat» halyqaralyq agenttiginiń bas dırektory Asqar Omarov, saıasattanýshy Aıdos Sarym, «Qazaqstan blogerleri alánsy» qoǵamdyq birlestigi tóraǵasy Ǵalym Baıtoq, sondaı-aq, stýdentter men oqýshylar qatysty. Mundaǵy maqsat — jastarǵa Prezıdent maqalasynda aıtylǵan máselelerdi túsindirý, ulttyq qundylyqtardy ulyqtaý.

- Sizder Elbasynyń jas urpaqqa qalaı kóp kóńil bóletinin ózderińiz de kórip júrsizder. Bes áleýmettik bastama eń birinshi, jastardy qoldaýǵa, ıaǵnı bilim granttaryn arttyrýǵa jáne bıznesti shaǵyn nesıeleýge, stýdentter jataqhanasyn salýǵa baǵyttalǵan. «Uly dalanyń jeti qyry» da eń aldymen sizderge arnalǵan. Sizder ózderińizdiń maqtanýǵa turarlyq jáne uıalýǵa esh negizi joq naǵyz tarıhyńyzdy bilýlerińiz kerek,-dedi oblys ákimi stýdentterge.

Tarıhshy ǵalym Darhan Qydyráli óz sózinde tamyryn joǵaltqan adamnyń jerde nyq tura almaıtyndyǵyn atap ótti.

— Memleket basshysy sizderge, jastarǵa, erekshe kóńil bóletinin bilesizder. Óıtkeni bizdiń bolashaǵymyz — sizderdiń qoldaryńyzda. Sondyqtan qazirgi tańda jasalyp jatqan jaǵdaı, uıymdastyrylyp jatqan sharalar, barlyǵy sizder úshin ótkizilip jatyr. Eń negizgi maqsat — qazaqstandyq jastardyń bilimi, densaýlyǵy, basqa da tustary, sheteldik qatarlastarymen salystyrǵanda, kem bolmaýy kerek.

Elbasynyń áleýmettik bes bastamasy, jaqynda jaryq kórgen maqalasy da birinshi kezekte sizderge arnalǵan. Sol úshin tarıhty qasterlep, ony tanyp-bilip, Qazaqstannyń damýy úshin bar kúsh-jigerlerińizdi salýlaryńyz kerek. Bul maqsatta jaqsy oqyp, qaı jaǵynan da ozyp shyǵýǵa umtylý qajet.

Elbasynyń maqalasyn jete túsindirý úshin elimizge belgili ólketanýshylar, saıasattanýshylar, jýrnalıserdi shaqyrdyq. Olardyń maqala týraly pikiri, jastarǵa ne beretini týraly paıymy sizderge de qyzyq bolady ǵoı dep oılaımyn, — dedi oblys ákimi Berdibek Mashbekuly.

Óz kezeginde, Ǵalym Baıtýk «Uly dalanyń jeti qyry» - jastarǵa patrıottyq tárbıeni qalyptastyratyn adamgershilik negizi ekenin atap ótti.

Ǵalym Baıtýk: «Aqtóbe eń qyzyqty jáne qarqyndy damyp kele jatqan qalalardyń biri. Búgin men murajaı, sport ortalyqtary, «Anaǵa taǵzym» ortalyǵy sıaqty birneshe jańa áleýmettik nysandardy qarap shyǵyp,

Prezıdent maqalasyndaǵy mindetterdi júzege asyrý úshin myqty qor qurylǵanyn aıta alamyn. Sizder ǵasyrlar boıy progrestiń qozǵaltqyshy bolǵan jastar retinde osy biregeı nysandardy patrıotızmge negizdelgen ıdeıalaryńyzben damytýǵa kómektesýlerińiz kerek. Patrıot bolyńyzdar – solaı ǵana sizder Otan úshin kóp nárse isteı alasyzdar, óıtkeni patrıotızm – bul árqashan umtylys, qoldaý jáne damý»,-degen senimde.

Al «Qasıetti Qazaqstan» ǵylymı-zertteý ortalyǵynyń dırektory Berik Ábdiǵalı:

— «Rýhanı jańǵyrý» baǵdarlamasy men «Uly dalanyń jeti qyry» atty maqala — bir-birimen úndes, tól tarıhymyzdy tanı túsýge degen talpynystan jaryqqa shyqqan qujattar. Óıtkeni, ásirese, ǵalamtorda sońǵy ýaqytta bizdiń dástúrimizdi joqqa shyǵaratyn uǵymdar nasıhattala bastady. Osynyń bári jastarǵa keri áserin tıgizdi. Bir ǵana mysaldy aıtaıyn, óz-ózine qol jumsaý jaǵynan Qazaqstan álemde aldyńǵy oryndardyń birinde tur. Qoǵamymyzda osyndaı problema bar bolǵan soń, endigi rýhanı qundylyqtardyń nasıhattalýyna, tárbıe jumystaryna aıryqsha mán berilip jatyr. Sonyń ishinde áleýmet, mádenıet salalaryna qamqorlyq kúsheıý ústinde. Kelesi jyldyń jastarǵa arnalýy da beker emes. Memlekettik deńgeıde jastarǵa baǵyttalǵan jaqsylyqtar arta túspek. Nege deseńiz, solarǵa qazirden kóńil bólmesek, bolashaqta Qazaqstan qandaı bolady?! Bul suraq bárimizdi alańdatýy kerek. Sondyqtan ár adam óz-ózine esep berip, kókeıinde «týǵan jerime ne istedim?» degen suraq bolýy tıis. Aýylyna kómek kórsetý degen mindetti túrde mektep, aýrýhana salý, bolmasa aqsha jaǵynan qoldaý emes. Týǵan jerine ózine qymbat kitabyn berse de, bul — úlken syı. Qysqasy, ár adam qolynan kelgenshe sharapatyn tıgizse, bunyń da elimizdiń, qoǵamymyzdyń damýyna ońdy jaǵy kóp, — dedi.

«Qazaqstan blogerleri alánsy» qoǵamdyq birlestigi tóraǵasy Ǵalym Baıtoq respýblıkamyzda áli kúnge nasıhaty az kıeli jerler, batyrlar, basqa da qundylyqtardyń kóp ekenin, ony zerdelep, zertteýge Elbasynyń ózi basa nazar aýdaryp otyrǵanyn qosty. Onyń sózinshe, qyz-jigitter osy múmkindikti múlt jibermeı, maqalany jazýdaǵy maqsat-murattardy jete túsiný qajet. Sonda ǵana rýhanı jańǵyryp, Abaı aıtqan «tolyq adam» degen uǵymǵa saı bolady.

Kezdesý stýdentterdiń suraqtarymen aıaqtaldy. Jastardy Qazaqstandaǵy kıeli jerlerdiń ári qaraıǵy zerttelýi, BAQ-tyń elektrondy formatqa kóshýi, latyn álipbıin engizýdiń qazirgi jaǵdaıy jáne t.b. qyzyqtyrdy.