Ortalyq komýnıkasıalar qyzmetinde Mańǵystaý oblysynyń ákimi Eraly Toǵjanov aımaqtyń áleýmettik-ekonomıkalyq damýynyń negizgi nátıjeleri týraly, elbasynyń joldaýyn iske asyrý jáne bes áleýmettik bastamasy boıynsha jumystardyń nátıjelerine jaıynda baıandady.

İshki óńirlik ónim ótken jylmen salystyrǵanda 98,6%-ten 103,4%-ke deıin ósti, ónerkásip óniminiń kólemi - 101,1%-dy qurady, bul respýblıkada óndirilgen ónimniń 11%-yn quraıdy. Óńirde ónerkásip salasynyń turaqty ósý deńgeıi saqtalyp, ındýstrıalızasıa kartasy iske qosylǵannan beri atalǵan sektordyń jalpy óndiristegi úlesi 4% -dan 8% -ǵa deıin ósti. Esepti kezeńde óndirý kólemi 111,4%-ti (195 mlrd.teńge) qurady.

«Óńdeý ónerkásibiniń  kólemin ulǵaıtýdyń birden-bir joly – jergilikti qamtýdy damytý. Negizgi rezerv – óńirdegi munaı kompanıalarynyń satyp alýlary. Mysaly, 2017 jyly oblysta munaı kompanıalary 1,7 trln. teńgege júrgizilgen satyp alýlardyń 30%-tin nemese 500 mlrd. teńgeniń taýarlaryn syrttan satyp aldy. Osy baǵytta birinshi «pılot» – «Ózenmunaıgaz» kompanıasy úshin reseı óndirýshilerimen birlesken munaı nasostaryn shyǵarý jobasy. Seh «Aqtaý teńiz porty» arnaıy ekonomıkalyq aımaǵynda salynady, qurylysqa tartylatyn ınvestısıa kólemi 500 mln.teńge»- dedi oblys ákimi Eraly Toǵjanov.

Jalpy, negizgi kapıtalǵa  salynǵan ınvestısıa kólemi 2018 jyly 81,7% -dan 107,2% -ǵa (417 mlrd. teńgege) deıin ósti.  Jalpy oblystyń ınvestısıa portfelinde jalpy quny  266 mlrd. teńge bolatyn 81 joba júzege asyrylýda.

Turǵyn-úı qurylysy boıynsha jyldyq jospar artyǵymen oryndaldy. (jospar - 916myń sharshy metr) Búginde 945 myń sharshy metr turǵyn-úı paıdalanýǵa berildi, ósim 139,7%. Jyldyń sońyna deıin 1 mln. sharshy metr turǵyn úı tapsyrylady.

«Oblysta «7-20-25»baǵdarlamasynyń sheńberinde oblys ortalyǵynda 22 jeke qurylys kompanıalary 2300 páterlik 15 turǵyn úı kesheniniń qurylystaryn júrgizýde. Ekinshi deńgeıli bankter 371 ótinimdi qarap,  1,9 mlrd. teńgege 235 nesıeni maquldady. Jyl sońyna deıin «7-20-25» baǵdarlamasy boıynsha 500 páter tapsyrylady», - dedi óńir basshysy Eraly Toǵjanov.