Astanadaǵy Ortalyq telekomýnıkasıalar ortalyǵynda Mańǵystaý oblysynyń ákimi Eraly Toǵjanov Mańǵystaý óńirdiń tranzıttik jáne kóliktik-logıstıkalyq áleýetine toqtalyp, bul salada da aımaqtyń potensıaly joǵary ekeninin erekshe atap ótti.

Respýblıkanyń jáne óńirdiń tranzıttik áleýetin damytý baǵytynda oblysta ınvestısıalyq quny 215 mlrd. teńge bolatyn 9 iri ınvestısıalyq jobalardy iske asyrylýda. Olar:

1. «Quryq portyndaǵy parom kesheni»
2. «Shetpe - Beıneý», 300 km;
3. «Jetibaı - Jańaózen», 73 km;
4. «Beıneý – Aqjigit – Ózbekstan shekarasy» 84 km;
5. «Quryq - port Quryq», 22 km;
6. «Ata joly», 51 km;
7. «Jyńǵyldy – Shaıyr - Sherqala», 30 km;
8. «Qıaqty - Tushshyqudyq», 23 km;
9. «Aqtaý - Qalamqas» jáne «Taýshyq - Shetpe», 84 km.

Osy jobalardyń ishindegi eń irisi Quryq portyndaǵy parom kesheni. Parom iske qosylǵannan beri 3 mln. tonna júk jóneltildi.

Avtomobıl kesheni tolyq qýatyna engen kezde  júk tasymalynyń kólemi jylyna 4 mln. tonnaǵa jetedi. Jalpy 2020 jylǵa deıin boljam –konteınerlik tasymaldy 60 esege deıin arttyrý.

Bul boljamdy júzege asyrýdyń negizgi faktorlarynyń biri «Beıneý-Aqjigit-Ózbekstan» shekarasy» avtomobıl jolynyń iske qosylýy. Jańa joldyń qurylysy táýligine 1,5 myńnan 7 myńǵa deıin artyrýǵa múmkindik beredi.

Memleket basshysy respýblıkalyq joldarmen qatar aýylaralyq jáne aýylishilik joldardy damytýdyń mańyzdylyǵyn atap kórsetti. Jyl saıyn osy maqsatqa búdjetten 8 mlrd.teńge qarjy bólinip turady. Bul óz kezeginde 150 km-ge jýyq joldardy jóndeý jáne qurylysyn júrgizýge múmkindik beretini aıtyldy.

«Elbasynyń tapsyrmasy boıynsha óńirde iske asyrylatyn mańyzdy baǵyttardyń biri kásipkerlikti qoldaý kórsetý. Jumys eki baǵytta júrgizilýde: mıkrokredıt berý jáne óńirlik baǵdarlamany iske asyrý.

Bıyl ótken jylmen salystyrǵanda 2,5 ese ósimmen  1,8 mlrd. teńge mıkrokredıt bólindi. Naqtysy 310 adamǵa 1,6 mlrd. teńgege mıkrokredıt berildi. Sonymen qatar, basqalarda balamasy joq, 1%-ben nesıe beriletin «Nur kapıtal» óńirlik baǵdarlamasynyń iske asyrylýda. Quny 3,4 mlrd.teńge bolatyn 200-ge jýyq bıznes ótinimder ekinshi deńgeıli bankterde qaralýda (30 kásipkerge                   641 mln.teńge somasyna nesıe berildi).

Nátıjesi: aýdan men aýylda jańa 10 shaǵyn kásiporyn qurylyp, 316 jańa jumys orny ashylady.

Memleket tarapynan kórsetilgen osyndaı qoldaýlar nátıjesinde shaǵyn jáne orta bıznes sýbektileriniń sany    46 myńnan 51 myńǵa deıin artty» dedi óńir basshysy Eraly Toǵjanov. (2017 jyl 10 aı - 46 myń birlik nemese ósim - 8,4%, 2017 jyl - 47 myń birlik nemese ósim – 6,4%). Ótken jyldyń 10 aıymen salystyrǵanda 118,6% ósimmen 31 070 jumys orny quryldy (2018 jyldyń jospary 26 myń jumys orny, 2017 jyl 10 aı – 26 203 jumys orny). Jalpy jumyssyzdyq deńgeıi 4,8%-ǵa, jastar arasyndaǵy jumyssyzdyq 3,1%-ǵa deıin azaıdy. Óńir ekonomıkasynyń perspektıvaly baǵyttarynyń biri - agroónerkásip. Salany damytý baǵytynda 5 jyldyq Konsepsıa jasaqtalyp, ortalyq organdarmen kelisildi. Esepti kezeńde 13 mlrd.teńgeniń aýyl sharýashylyǵy ónimi óndirilip, ósim 103,5%-ti qurady. Jyl basymen salystyrǵanda mal sany 13%-ke nemese 502 myńnan 565 myńǵa deıin ósti. Jylyjaılar sany 1,5 esege ósip, 41 birlikti (24 ga) qurap otyr.