Bas prokýrordyń orynbasary Áset Shyndalıev Májilistiń jalpy otyrysynan keıin jýrnalıserdiń suraǵyna jaýap berip, LRT isine baılanysty Nuráli Álıev pen Darıǵa Nazarbaevanyń tergeý orbıtasyna tartylý yqtımaldyǵyna qatysty pikir bildirdi.
— LRT isi jóninde bizde eki qylmystyq is bar. Bireýi boıynsha 5 jyl buryn sot úkimi shyqqan. Ekinshisi — Talǵat Ardanǵa qatysty is. Ol qazirgi ýaqytta Túrkıada qamaýda otyr. Al siz aıtyp otyrǵan ózge tulǵalarǵa qatysty mende eshqandaı aqparat joq. Bul týraly basqa qylmystyq qýdalaý organdarynan suraý qajet, — dedi Shyndalıev.
Jýrnalıserdiń suraǵyna sebep bolǵan – buǵan deıingi jýrnalısik zertteýlerde LRT isine baılanysty Darıǵa Nazarbaeva men Nuráli Álıevtiń esimderiniń jıi atalýy.
Eske sala keteıik, Ulttyq qaýipsizdik komıteti LRT jobasyn júzege asyrý barysynda memleketke 85,9 mlrd teńge kóleminde zalal kelgenin málimdegen. Atalǵan is boıynsha Talǵat Ardanǵa halyqaralyq izdeý jarıalanyp, ol Túrkıa aýmaǵynda ustalǵan bolatyn.
