Aqtóbede Keńes Odaǵynyń Batyry Álıa Moldaǵulovanyń 100 jyldyq mereıtoıy aıasynda «Men – Álıamin!» atty aýqymdy forým ótti. Sharaǵa esimi batyr qyzben attas 300-ge jýyq názik jan jınaldy.

Oblys ákimdiginiń málimetinshe, jıynǵa kelgenderdiń eń úlkeni – 88 jastaǵy qarıa, al eń kishisi – nebári 2 aılyq sábı. Tańǵy saǵat 07:45-te taǵy bir Álıa dúnıege kelgeni de forýmda erekshe atap ótildi.

Statısıkaǵa súıensek, búginde «Álıa» esimi 70 myńnan astam azamatshaǵa berilgen. Sonyń ishinde 4 myńǵa jýyǵy Aqtóbe oblysynda turady.

Forýmǵa qatysýshylardyń basym bóligi – óz salasynda jetistikke jetken dárigerler, muǵalimder, óner men sport salasynyń úzdikteri. Jıynda batyr qyzdyń týǵan kúninde ómirge kelgen 4 Álıa men beıresmı túrde «Álıa» dep atalatyn «İlıa» esimdi jandar da boldy.

Shara aıasynda erekshe jetistikterimen kózge túsken qatysýshylarǵa qurmet kórsetildi. Batyrdyń týǵan kúninde dúnıege kelgenderge gúl shoqtary tartý etilip, jıyn sońynda forýmǵa qatysýshylar Álıa Moldaǵulovanyń eskertkishine gúl qoıdy.