Mańǵystaýda 3 pen 6 jas aralyǵyndaǵy balalardy balabaqshamen qamtý kórsetkishi – 84%-ten 97%-ke artty. Kelesi jyly bul kórsetkishti 100%-ke jetkizý negizgi maqsat.

  «Demografıalyq ósimniń joǵarylyǵyna baılanysty, eń mańyzdysy úsh aýysymdyq oqytýdy boldyrmaý. Osy baǵytta jańa oqý jylynda jalpy syıymdylyǵy 6300 oryndyq 9 jańa mektep qoldanysqa berildi. Taǵy 4 mekteptiń (syıymdylyǵy 2200 oryndyq) qurylysy 2019-2021 jyldary respýblıkalyq búdjetten qarjylandyrýǵa usynyldy» dedi, oblys ákimi Eraly Toǵjanov Ortalyq komýnıkasıalar qyzmetinde jýrnalıserge bergen suhbatynda.

Oqýshylar kontıngentiniń jyl saıyn 6 myńǵa artýyn esepke ala otyryp, 2019 jylǵa taǵy 14 mektep qurylysy respýblıkalyq búdjetten qarjylyndyrýǵa qosymsha usynylady.

Alda turǵan ózekti máseleniń biri – stýdentterdi jataqhanamen qamtý. Jalpy qajettilik 1600 oryn, onyń ishinde 550 oryndyq 2 jataqhana táýelsizdik merekesine oraı, paıdalanýǵa beriledi.

Densaýlyq saqtaý salasynda memlekettik-jekemenshik áriptestik mehanızmin keńinen qoldaný qolǵa alyndy (mysaly: Jańaózen qalasyndaǵy gemodıalız ortalyǵy, Mańǵystaý oblystyq jáne Beıneý aýdandyq aýrýhanalarynda kompúterlik tomograf ornatý, densaýlyq saqtaý uıymdarynda ÝZI ornatý). Oblys ortalyǵynda Ana men bala óńirlik Ortalyǵy qoldanysqa berildi. Kópten sheshimin tappaı kelgen, (2012jyldan beri) qurylysy uzaqqa sozylǵan onkologıalyq ortalyqtyń qurylysy jer qoınaýyn paıdalanýshy kompanıa qarjysy esebinen (NCOC – 7 mlrd.teńge, merdiger – Evrostroı) qazan aıynda qaıtadan bastaldy.

Mańǵystaýda «Sandyq Qazaqstan» baǵdarlamasy boıynsha jobalar belsendi iske asyrylýda. Oblysta ekonomıkanyń barlyq salasyn qamtıtyn sıfrlandyrýdyń jol kartasy bekitildi. Oblystaǵy bilim jáne densaýlyq uıymdarynyń barlyǵy keń jolaqty ınternetpen 100% qamtyldy.

 Qoǵamdyq qaýipsizdikti qamtamasyz etý salasynda «Qaýipsiz qala» jobasy aıasynda 600 beınebaqylaý kameralary ornatylady. Pılottyq rejımde Aqtaý qalasynda 10 úı «E-shańyraq» aqparttyq júıesine qosyldy.

Atalǵan úılerde jylý, sý, elektrdiń naqty esebin júrgizetin avtomattandyrylǵan júıe ornatylyp, prıborlardan kórsetkishter onlaın tártibinde alynady.

 «Qazaqtelekom» kompanıasynyń qoldaýymen oblystyń barlyq eldi mekenderi ınternet jelisimen tolyqtaı qamtyldy, onyń jyldamdyǵyn arttyryldy. Óndiristik kásiporyndary (munaı kompanıalary) óndirý prosesin arttyrý jáne avtomattandyrý maqsatynda ken oryndarynda sıfrlyq elementter engizdi. Respýblıkada oblysymyz birinshi bolyp 1  qazannan bastap tolyqtaı sıfrlyq teletaratýǵa kóshti.

Ónerkásiptik kásiporyndar (munaı kompanıalary) óndiristik prosesti avtomattandyrý maqsatynda ken oryndarynda sandyq elementterdi engizedi.

«Rýhanı jańǵyrý» baǵdarlamasy boıynsha 2017-2018 jyldary quny 20 mlrd.teńgeniń 333 jobasy iske asyryldy (búdjet esebinen –             1 mlrd.teńge, demeýshiler qarjysy – 19 mlrd. teńge).

Bıyl «Atameken» kishi baǵdarlamasy boıynsha (57 is-shara, 5 mlrd.teńge) – 19 mektep kompúterlermen jabdyqtalyp, 15 sport alańdary, 4 mektep janynan jylyjaılar, teńiz jaǵalaýynda «Jartasty soqpaq» (Skalnaıa tropa) nysany jáne amfıteatr salyndy. Barlyq shara demeýshiler esebinen júrgizildi.