Bıyl 77 myńnan astam bilim granty bólindi – shekti baldar ózgergen joq
Bıyl joǵary oqý oryndaryna 77 myńnan astam bilim granty bólinip otyr. Bul týraly Bilim jáne ǵylym salasyndaǵy sapany qamtamasyz etý komıtetiniń tóraıymy Gúlzat Kóbenova málimdedi.
Onyń aıtýynsha, barlyq bilim berý baǵyttary saqtalǵan, ári shekti bal talaptarynda da esh ózgeris joq.
– Ulttyq biryńǵaı testileý nátıjesi boıynsha joǵary oqý ornyna túsý úshin talapkerler keminde 50 bal jınaýy kerek. Al ulttyq joǵary oqý oryndary úshin bul kórsetkish – 75 bal. Sonymen qatar, árbir JOO óz erejesine saı odan da joǵary shekti bal belgileı alady, – dedi Gúlzat Kóbenova.
Osyǵan baılanysty komıtet tóraıymy talapkerlerge qujat tapsyrar aldynda tańdaǵan oqý ornynyń naqty shekti balyn qarap shyǵýǵa keńes berdi.
