2025 jyldyń 8 mamyrynda Almaty qalasynda ekologıalyq aksıa ótti.
Senbilik jalpyrespýblıkalyq «Taza Qazaqstan» ekologıalyq aksıasy aıasynda uıymdastyrylyp, bıylǵy jyly 80 jyldyǵy atalyp ótetin Uly Jeńiske arnaldy.
Qalany tazartýǵa Almaty qalalyq qoǵamdyq keńes músheleri, qala turǵyndary, eriktiler, quqyq qorǵaý organdary, QR Qorǵanys mınıstrligine qarasty áskerı oqý oryndarynyń kýrsanttary, máslıhat depýtattary, qoǵam qaıratkerleri, sondaı-aq, estrada juldyzdary, sportshylar men blogerler Uly Otan soǵysy ardagerleriniń memorıaldyq aımaǵyn tazalady.
Aksıa aıasynda kósheler men saıabaqtardy sanıtarlyq tazalaý, baǵanalar men qorshaýlardy syrlaý, aryq jelisin tazartý, aǵash egý, shóp shabý, jasyl jelekterdi qalpyna keltirý, aǵashtar men butalardy sanıtarlyq maqsatta kesý, kógaldandyrylǵan aımaqtardy aǵymdaǵy jóndeý jumystary sıaqty túrli jumystar júrgizildi.
Almaty qalasynyń ákimdigi aksıa qatysýshylaryna aǵash kósheti, qolǵap, qap, kúrek pen tyrma berý syndy barlyq qajetti kómek kórsetedi. Qatysýshylarǵa arnaıy fýtbolkalar, kepkalar jáne «Jeńis» estelik lentalary taratyldy.
