Umytylǵan batyrlar: Astana ákimdigi ardagerlerdi izdeýge nege qulyqsyz?

/uploads/thumbnail/20250508135934729_big.webp

Astanada ótken áskerı parad kezinde elge eńbegi sińgen tyl ardageri, neırohırýrg Teńdik Isaqovty trıbýnaǵa ótkizbeı qoıǵan sát áleýmettik jelilerde keń taralyp, jurttyń júregin aýyrtty.

Astana ákimdigi bul jaǵdaıdy «paradqa kirý tek aldyn ala jasalǵan arnaıy tizim arqyly júzege asty» dep túsindirdi. Tizimge tek ardagerlerdiń týystary bergen ótinish negizinde engizilgender engen. Al Teńdik Isaqovtyń otbasynan ondaı ótinish túspegen kórinedi.

Degenmen, kópshilik bul túsiniktemege qanaǵattanbaı otyr. Jeli qoldanýshylary:
«Qazir sanaýly ǵana ardager qaldy. Osyndaı kisilerdi ákimdik ózi izdep, qurmetpen kólik jiberip alyp kelýi kerek edi. Bul – elge jasaǵan eńbekti umyt qaldyrý», – dep narazylyq bildirýde.

Belgili ánshi Zarına Omarova da Instagram paraqshasynda pikir bildirip:
*«Osydan eki jyl buryn bir ardager atany kóshede taksı toqtatyp turǵan jerinen úıine jetkizip salǵan edim. Óte kishipeıil, ashyq-jarqyn adam eken. Sol kezde 67 jyl boıy neırohırýrg bolyp eńbek etkenin estip, tańǵalǵanmyn. Naǵyz batyr, naǵyz eńbek adamy. Búgin sol kisini paradqa kirmeı qalǵan sátinen kórip, janym aýyrdy. Osyndaı jandar – eldiń naǵyz maqtanyshy. Umytylýǵa tıis emes», – dep jazdy.

Oryn alǵan jaǵdaıdan soń, Astana ákimdigi ardager men onyń týystarymen kezdesip, keshirim suraǵan. Sondaı-aq, Teńdik Isaqov 9 mamyr kúni ótetin gúl shoǵyn qoıý rásimine arnaıy shaqyryldy.

Alaıda bul oqıǵa qoǵamda úlken oı týdyrdy: ardagerlerdiń qadirin paradtyq rásimmen emes, naqty qurmetpen kórsetýimiz qajet emes pe?

Qatysty Maqalalar