Elimizdegi eser án jazyp, essiz klıpke túsken ánshiler, haıptyń sońyna túsken juldyzdar bıyl da el-jurtty shýlatty. Biri ersi qylyqtarymen jaǵa ustatsa, basqasy jeke ómirindegi ózgeristermen halyqty tańdaı qaqtyrǵan. Tize berseń kóp áıteýir. Kim eser qylyǵymen este qaldy, al kim úshin bul jyl sátti boldy? Tanymal nýmerolog qandaı boljam jasady? Jurttyń aýzynan túspeıtin shoý bıznes ókilderiniń toptamasyn Eýrazıa birinshi arnasy jasaqtady.
Burynǵydan ózgermeı, bıyl da basy daýdan arylmaǵan, shoq basyp, ańdamaı sóıleıtin juldyzdardyń biri – Tóreǵalı Tóráli desek esh qatelespeımiz. Ózin «Uly dala balasymyn» dep ataǵan halyqtyń erkesi bir emes, birneshe ret dóreki minez tanytqany jurttyń esinen áli keter emes.
"Ár júrisiniń ózi haıp bolyp ketti ǵoı."
"Óz basym onyń ersi qylyqtaryna qarsymyn. Ánshimin dep úlgi kórsetýdiń ornyna, istep júrgeni mynaý".
"Mojet juldyzdyq aýrýy shyǵar"
"Tóreǵalı óz qylyǵyn bilgende, ózine durys dep tur ǵoı mynanyń bárin"
Biri Tóreǵalıdiń ersi qylyqtaryn juldyz aýrýy dese , ózgesi kezekti haıptyń kórinisine balady. Dese de, jasyratyny joq, ol ne istese de, halyqtyń súıikti ánshisi bolyp qalýda. Nege? Osyǵan qatysty nýmerolog Klara Kúzdenbaevadan bilip kórdik.
«Bul adamdy aqyl emes, emosıa bıleıdi. Óziniń aıtqan sózinen taımaıtyn jan. Onyń juldyzynda naqty belgi joq bolǵannan keıin, keıde ol ne istep jatqanyn ózi de bilmeı qalady. Sebebi ol emosıaǵa beriledi. Alaıda, ol ne istese de, oǵan barlyǵy keshirimmen qaraıdy. Óıtkeni bul azamat naǵyz halyqtyń erkesi. Onda 2 «7» bar eken. Al 2 «7» tek prezıdentterde ǵana kezdesedi» - deıdi nýmerolog Klara Kúzdenbaeva.
Basy daýǵa qalyp, artynan sóz ergen Tóreǵalı Tóreáli bıylǵy qylyqtarynan áli de sabaq almaǵan tárizdi. Suraq qoıǵan Eýrazıa tilshilerine taǵy da minez tanytty.
Al qara pıardy jany súıe bermeıtin, otbasy jaıly suhbat berýden qashatyn Aıqynnyń bıylǵy jańalyǵy haıptan da asyp tústi. Ol jasyryn túrde ekinshi ret«Keshú» tobynyń eks- ánshisimen shańyraq kóterip, áleýmettik jeli de biraz synǵa ilindi. Tipti ekeýi dúrkiretip úılený toıyn jasamasa da, el kútpegen tuńǵyshtarynyń 1 jasyn shýlatyp ótkizdi.
«Mássaǵan, qarańyzshy, olarda sandar sáıkestigi baıqalady. 10 jáne 10. Ekeýi de bir kúni týǵan. Iaǵnı, olar bir-birine tartylyp turady degen sóz. Alaıda, meniń aıtatynym, ekeýi de óte qyzǵanshaq. Sodan tezirek arylyp, shydamdy bolǵandary jón. Energıalary da tasyp turady eken. Biraq, qýantarlyǵy, qarym-qatynasta bir-birimen teń» - deıdi nýmerolog Klara Kúzdenbaeva.
Osylaısha el aýzynda júrip, sanyn ashyp, túrli ártis jigittermen julqyna bılep, odan qalsa súıisip haıp jasaýdan sharshamaıtyn Kámshat ta antı úshtikte. Ol bıyl ózge áriptesterinen asyp tústi. Qoımaı sheshindi, súıisti, jigittermen aımalasty.
"Qazaq qyzyna jat qylyq qoı. Ashyq-shashyq kıinýi."
"Qazaqylyqqa salsa, onyń ashyq-shashyq kıinýi endi durys emes dep aıtady. biraq men oılaımyn árkimniń óziniń sahnalyq stıli bolady. ózine saı, mojet ózine unaıtyn shyǵar."
"Oǵan túgeldeı tıym salý kerek dep oılaımyn. Ol halyqtyń aldynda júrgen bizdiń úlgi eter qyzdarymyz ǵoı. Sondyqtan olar osylaı kıinbeý kerek dep oılaımyn."
«Osyndaı arzan dúnıege baryp júrgen inilerim qaryndastarym, onsyz da halyq olardy baǵalaıdy. Halyqty ondaı dúnıemen aldaýǵa bolmaıdy. Ol ýaqytsha nárse. Nátıjesinde tabylatyn aqshaǵa soǵan bola aldanyp, eldiń aldyna shyǵyp, keleshekte óziniń atyn tarıhqa basqasha etip jazyp ketýge bolmaıdy. Qyz balalar eldiń sheshinip shyǵyp, jartylaı jalańash shyǵyp eldi eleń etkizemin dep, halyqtyń aldynda qadiri bolmaıdy» - deıdi aıtysker aqyn Serikzat Dúısenǵazy.
Halyqtyń erketotaılaryna aınalǵan, haıp jasaımyz dep aıyptyń astynda qalǵan juldyzdardyń bıylǵy sıqy osy. Al kelesi jyly basy daýdan arylmaıtyn shoý bız ókilderiniń taǵy da qandaı bylyq jasaıtynyn ýaqyt kórseter.
