Qazaqstandyq aktrısa Samal Eslámova "Eńbek sińirgen qaıratker" atandy dep jazady Qamshy.kz aqparat agenttigi. Jyldaǵy dástúr boıynsha búgin Elbasy Aqordada ótken jıynda 2018 jylǵy ádebıet pen óner salasyndaǵy memlekettik syılyqtyń ıegerlerin óz qolymen marapattady.
Atalmysh jıynda Samal Eslámova da Elbasynyń qolynan "Qazaqstannyń eńbek sińirgen qaıratkeri" ataǵyn aldy.
"Men Elbasyny bala kezimnen kórýdi armandaǵanymdy aıttym. Elbasy maǵan osyndaı joǵary nagrada tabystaıdy dep oılamadym. Bul men úshin kútpegen syı boldy. Búgin men úshin tarıhı kún. Armandar oryndalady, tek durys armandaı bilý kerek", — dedi Samal Eslámova.
