Májilis depýtaty Turǵyn Syzdyqov parlament palatasynyń plenarlyq otyrysynda otandyq qus ósirý salasynyń asa qıyn halde ekendigin aıtyp, Premer-mınıstr Baqytjan Saǵyntaevtan kómek surady.

Depýtattyń aıtýyna qaraǵanda attaı shaýyp, qatty damyp kele jatqan salanyń aıanyshty halge jetýiniń eń basty sebebi – memleket tarapynan qoldaý bildirilip, sýbsıdıa berilip kelgen bıliktiń tetigi aýylsharýashylyǵy mınıstrliginen jergilikti atqarýshy organdarǵa aýystyrylǵandyǵy eken. «Olar maqsatty qarajatty ózderiniń jetpeı jatqan jyrtyqtaryn jamaýǵa qoldanady»-, deıdi depýtat.   

T.Syzdyqovtyń aıtýyna qaraǵanda qus ósirý salasynyń Almaty, Aqmola, Shyǵys-Qazaqstan, Qaraǵandy, Atyraý oblystaryndaǵy kásiporyndarynyń kóbi osyndaı qıyndyqtarǵa tap bolǵan. Sonyń ishinde «barlyq qus etiniń 44 paıyzyn óndiretin almatylyqtardyń osyndaı kerge tap bolǵany ókinishti»,- deıdi depýtat. Al Atyraý oblysyndaǵy «Almaly qus» fabrıkasyn jergilikti atqarýshy bılik Premer-mınıstrdiń orynbasary, Aýylsharýashylyǵy mınıstriniń maýsym aıynda berilgen buıryǵyna da qulaq aspaı, 303 mln. teńge ınvestısıalyq sýbsıdıadan qaǵyp otyr eken.  «Óskemen qus fabrıkasynyń» 2018 jylǵa sýbsıdıaǵa berilgen suranymynyń tek 2,2 paıyzy ǵana qanaǵattandyrylǵan. Qalǵan 1,8 mlrd. teńgege kásiporyn áli kúnge qol jetkize almaı otyrǵan kórinedi. «Sonymen qatar keıbir qus fabrıkalary qalaǵan sýbsıdıalaryn tolyqtaı alyp otyr, osynyń ózi bireýlerdiń básekelesin quıtyrqylyqpen jeńý amaldaryna uqsaıdy. Sondyqtan úkimet tarapynan shuǵyl shara jasaý kerek», -deıdi ol.    

S.ELEÝ, sarapshy