Qazaqstandyq mektep bitirýshi túlekter endigide Ulttyq biryńǵaı testileýden merziminen buryn tapsyra alady. Testileý keler jyldyń qańtar aıynan bastalady, al mektep bitirýshi túlekter men talapkerler testileýge qujattaryn 15 jeltoqsanǵa deıin ótkizip úlgerýi qajet. Alaıda, aldyn ala Ulttyq biryńǵaı testileýden ótken talapkerler joǵary oqý oryndarynyń tek aqyly bólimine ǵana oqýǵa túse alady eken.

Bolashaqta jaqsy maman ıesi bolyp, ol úshin joǵary oqý ornynyń aqysyz bólimine, ıaǵnı grantqa túsýdi qalaǵan túlekter ár jyldyń maýsym aıynda ótkiziletin negizgi ulttyq biryńǵaı testileýge qatysýlary mindetti. UBT-ny aldyn-ala tapsyrý quqyǵyna 11 jáne 12 synyp oqýshylary, sonymen qatar, elimizdiń qandaı da bir joǵary oqý ornyna túsip, alǵashqy semestrdi aıaqtaǵan, alaıda emtıhandardan jetkilikti bal jınaı almaı qalǵan stýdentter ıe. Qańtar aıynda ondaı stýdentter joǵary oqý ornyna túsý úshin qaıta tapsyrady. Oqýǵa túsken stýdent qaıtadan jetkilikti bal jınaı almaı qalǵan jaǵdaıda, ol avtomatty túrde oqýdan shyǵarylady.

Aıta keteıik, qańtar aıynda Ulttyq biryńǵaı testileýden aldyn ala óti aqyly túrde júzege asyrylady, ony tapsyrý úshin 2242 teńge tóleý mindetti.