Qazannyń basynda Elbasy Nursultan Nazarbaevtyń halyqqa Joldaýynda aıtylǵan mindetter men tapsyrmalar respýblıkanyń ekonomıkaǵa básekelestigin arttyrady. Seýlde ótken halyqaralyq tehnologıalyq forýmnyń qatysýshylary dál osyndaı boljamǵa kelgen.
Qazaqstan Respýblıkasynyń Koreıadaǵy elshiliginiń arnaıy keńesshisi Oljas Raev óz sózinde eldegi ǵylymı zertteýler men ázirlemelerdiń damýy jóninde baıandady. IýNESKO deregine sáıkes, Qazaqstanda dál osy maqsatqa jalpy ishki ónimnen 0,2 paıyz shyǵyn jumsalǵan. Alaıda bul jaǵdaıdy Prezıdenttiń halyqqa Joldaýynda aıtqan tapsyrmalary túbegeıli ózgertti. Bes jyl ishinde bilim-ǵylymǵa, densaýlyq saqtaý salasyna bólingen shyǵynnyń kólemi jalpy ishki ónimnen 10 paıyzǵa deıin jetpek.
Forým barysynda Koreıa ǵylym jáne tehnologıalyq ınstıtýtynyń Prezıdenti Qazaqstanǵa ǵylymı-tehnıkalyq aqparattyń ulttyq júıesin qalyptastyrý jóninde erekshe usynys jasady. Eger elimiz usynysty qabyldasa, shyǵyn kólemi Jalpy ishki ónimnen 4,3 paıyzǵa deıin jetedi.
Osy oraıda QR-nyń Koreıadaǵy elshiliginiń arnaıy keńesshisi Oljas Raev aldaǵy jańa josparlar jaıyn baıandady:
«Bizde júzege asyrýymyz tıis jańa jospar bar. Jýyrda ǵana Qazaqstan Respýblıkasynyń Prezıdenti Nursultan Nazarbaev halyqqa Joldaýynda úkimetke bilim, ǵylym jáne densaýlyq salasy úshin shyǵyndy JİÓ-den 10 paıyzǵa deıin kóterýdi tapsyrdy», - dedi Qazaqstan ókili Seýldegi forýmda.
Óz kezeginde Koreıa ǵylym jáne tehnologıalyq aqparat ınstıtýtynyń prezıdenti Choı Hı Iýn Qazaqstanmen seriktestik máselesin sóz etti.
«Jyl saıyn bizdiń ınstıtýt Koreıada da, shetelde de ǵylymı zertteýlerdiń jaǵdaıyn talqylaý úshin túrli kelissózder men prezentasıalar ótkizip turady. Bul jolǵy múmkindikti Kosta-Rıkada paıdalandyq, osy oraıda Qazaqstanmen seriktestigimizdi nyǵaıtamyz degen mol senimdemin», - dedi Choı Hı Iýn.
