Aǵymdaǵy jyldyń 4 qazanynda Qoja Ahmet Iassaýı atyndaǵy qazaq-túrik ýnıversıtetiniń prezıdent-rektory Abdrasılov B.S. men Kentaý qalasyndaǵy transformator zaýytynyń dırektory Qojabaev S.I. ózara yntymaqtastyq týraly memorandýmǵa qol qoıǵan bolatyn.

Atalmysh qujatqa sáıkes, tehnıka jáne túrli ǵylym salasyndaǵy birshama josparlardy birlesi júzege asyrý týraly kelisimge qol jetkizildi. Sondaı jobalardyń biri, ári biregeıi – Qoja Ahmet Iassaýı atyndaǵy qazaq-túrik ýnıversıtetiniń stýdentterin Kentaý qalasyndaǵy transformator zaýyty bazasynda dýaldy oqytý baǵdarlamasyn júzege asyrý bolyp tabylady. Bul joba Memleket basshysynyń bilim berý men naqty ekonomıkany biriktirý ıdeıasyn praktıkalyq turǵydan iske asyrýdy kózdeıdi. Atalmysh baǵdarlama Injenerıa, memlekettik basqarý men ekonomıka joǵary mektebi fakúltetterindegi 8 mamandyqty qamtıdy. Osy joba aıasynda stýdentter teorıalyq bilimdi ýnıversıtet qabyrǵasynda alatyn bolsa, praktıkalyq sabaqtar Kentaý qalasyndaǵy transformator zaýytynda, laboratorıada jáne sehterde úırenetin bolady.

Inovasıalyq oqý baǵdarlamasy aıasynda joǵaryda atap ótken eki fakúltettiń stýdentteri teorıany aptanyń úsh kúninde ótse, zaýytta eki kún praktıkalyq sabaqtar ótedi. Ony stýdentterge ýnıverstıtettiń profesorlary, zaýyttyń menedjerleri men óz isiniń mamandary ótkizetin bolady, onda stýdentter óz mamandyqtary boıynsha praktıkalyq daǵylarǵa ıe bolady.