Prezıdenttiń jıen nemeresi Aısultan Nazarbaev óziniń bostandyqqa shyqqanyn málimdedi dep habarlaıdy Qamshy.kz aqparat agenttigi. Bul týraly ol óziniń feısbýk paraqshasyna jazdy. 

"Men uzaq úzilisten keıingi alǵashqy jazbam arqyly alǵys aıtqym keledi. Reseı federasıasynyń Bas prokýratýrasyna, RF SİM-ge, RF İİM-ge RF Federaldyq qaýipsizdik qyzmetine alǵysym sheksiz. Qazir men tolyqtaı azatpyn. Sondaı-aq qandaı jaǵdaı bolmasyn meniń áleýmettik jelidegi dostarym bolyp qalǵandaryńyz úshin alǵys aıtamyn. Meniń aıtarym kóp", dep jazdy Elbasynyń jıen nemeresi. 

Aısultan Nazarbaev qaıda joǵalyp ketti degen suraq kópshilikti kópten beri mazalap júrgen bolatyn. Eske salsaq, daýdyń basy UQK-niń burynǵy tóraǵasy Alnur Musaevtyń jazbasynan bastaldy. Qazir Musaev shet elde turyp jatyr. Ol Aısultan Nazarbaevtyń túrmede ekenin jazǵan bolatyn. Tipti oǵan qaýip tónip turǵanyn da aıtqan. Keıin atalmysh jazba qyzý talqyǵa tústi. 

Eske salsaq, 2017 jyldyń qańtar aıynda Aısultan Nazarbaev shýly málimdeme jasaǵan bolatyn. Ol Imanǵalı Tasmaǵambetovty, Ádilbek Jaqsybekov, Bolat Ótemuratovty "halyq jaýy" dep atap aıdy aspanǵa bir-aq shyǵardy.

Keıin 2017 jyldyń aqpanynda Qazaqstan fýtbol federasıasynyń prezıdenti bolyp taǵaıyndaldy. Sosyn ol óziniń esirtki qoldanǵanyn, alaıda barlyq másele sheshimin tapqanyn, ózgergenin aıtyp, aǵynan jaryldy. Sondaı-aq  Elbasynyń jıen nemeresi Fýtbol federasıasyna bar-joǵy 8 aı tóraǵalyq etip, óz erkimen orynyn bosatty. 

Sodan beri Aısultan Nazarbaevtan esh habar joq. Ol óziniń feısbýk paraqshasyna da eshqandaı jazba qaldyrmaǵan. Sońǵy ret 23 maýsymda Astana marafonyna qýana-qýana qatysatynyn aıtyp, uıymdastyrýshylarǵa alǵys bildirgen. 

Al qazir onyń ne úshin qamaýda bolǵany týraly naqty aqparat joq.