Almatylyqtar 1986 jylǵy Jeltoqsan oqıǵasynyń qurbandaryn eske alyp, olarǵa taǵzym etti. «Táýelsizdik tańy» monýmentine memleket qaıratkerleri, onyń ishinde Almaty ákimi Baýyrjan Baıbek, jeltoqsan oqıǵasyna qatysýshylar jáne jastar uıymdarynyń músheleri gúl shoqtaryn qoıdy dep jazady Qamshy.kz aqparat agenttigi. 

Gúl shoqtary qoıylǵan soń jınalǵandar bir mınýt únsizdikpen qaza bolǵandardy eske túsirdi.

Aıta keterligi, buyrndary Almatyda «Táýelsizdik tańy» monýmenti aldyna shaǵyn alań jasalǵan edi. Qala ákimi eskertkishke kelip, taǵzym etkenderdiń qaýipsizdigin qamtamasyz etý úshin olarǵa jaqsy jaǵdaı jasaýdy tapsyrǵan bolatyn. Eger buryn kóliktiń qozǵalys bóligi eskertkishke tıip tursa, endi barynsha qolaıly jáne qaýipsiz shaǵyn alań paıda boldy, kespe tas tóselip, jaryq kózderi ornatyldy, jasyl jelek otyrǵyzyldy.

Keshe, Qazaqstannyń Táýelsizdigine 27 jyl tolǵan kúni qaladaǵy Táýelsizdik Monýmentine saltanatty túrde gúl shoqtary qoıylǵan bolatyn.

Qala basshylyǵy, 1986 jylǵy Jeltoqsan oqıǵasyna qatysýshylar, ardagerler Keńesi, saıası partıalar men qoǵamdyq jáne jastar uıymdary, qala turǵyndary áskerı-úrlemeli orkestrdiń mýzykalyq súıemeldeýimen Respýblıka alańyndaǵy táýelsizdiktiń basty sımvolyna gúl shoqtaryn qoıdy.