Dımash Qudaıbergen Shańhaıda ótken «The Silk Road Cohesion Awards 2018» halyqaralyq festıválde «Jyl ánshisi» degen marapatqa ıe boldy dep jazady Qamshy.kz aqparat agenttigi. Qýanyshty habaryn ol Instagram áleýmettik jelisinde bólisti. Ol marapatqa ıe bolǵannan keıin qazaq tilinde alǵys bildirdi. Sondaı-aq óziniń baqytty ánshi ekenin aıtty.
"Úlken raqmet. Men shyn máninde óte baqytty ánshi ekenmin. Óner - alyp muhıt. Alyp muhıtta neshe túrli daýyldar bolady. Jas bolsam da osyndaı bıikten kórinsin degen nıetpen qonaqjaılyq tanytyp, maǵan osyndaı syılyq berip jatqandaryńyzǵa shyn júrekten raqmet aıtqym keledi. Osynyń bári meniń jankúıerlerimniń arqasy. Shyn júrekten barsha jankúıerlerime maǵan degen mahabbattaryńyz úshin, senimderińiz úshin, daýys beretin sátterde de talmaı-tynbaı qoldaý tanytyp júrgen qurmetterińiz úshin myń da bir taǵzym! Úlken raqmet!", dedi Dımash.
«Jyl ánshisi» jáne «Jibek jolynyń mádenı elshisi» degen marapattar alyp, mereke qarsańynda syıǵa bólendim. Qýanyshtymyn. Ár jeńisim Otanym úshin, barlyq tyńdarmandarym úshin», - dep ol jerlesterin Táýelsizdik kúni merekesimen quttyqtady.
Posmotret etý pýblıkasıý v Instagram
Pikir qaldyrý