Gonkong polısıasy qalanyń kedeı aýdanyna aqsha shashqan bıznesmendi qamady. Bul týraly South China Morning Post habarlady.
Budan buryn belgisiz er adam aýdan turǵyndarynan «aspannan aqsha jaýady degenge senesizder me?» dep suraǵan eken. Alaıda ǵajaıypqa senbeıtin kedeılerdi kórgen 24 jastaǵy bıznesmen ǵımarattyń joǵarǵy qabatyna shyǵyp, terezeden aqsha shashqan. Turǵyndar japa-tarmaǵaı aqshaǵa qaraı júgiredi.
Er adam osyndaı qaıyrymdylyǵy arqyly óz kásibine jarnama jasaýdy da nıet etken. «Kókten shashylǵan» qarajattyń naqty mólsheri belgisiz, polısıa qyzmetkerleri nebári 800 AQSH dollaryn jınaǵan. Búginde kásipker qoǵamdyq tártipti buzdy degen aıyppen qamaýda otyr.
