Mıftaım Anam Máýlana Habıbýrrahman – syrt kelbetimen, túr-tulǵasymen, kıiný mánerimen erekshelenip turatyn "ımam". Ol ýaǵyzyn meshitte emes, túngi klýbta aıtýǵa májbúr. Onyń aıtýynsha, túngi klýbtyń barmenderi men ózge de qyzmetkerleri meshitke baryp, ýaǵyz tyńdaı almaıdy. Óıtkeni, konservatıvti orta olardy jaqtyra bermeıdi. Nápaqasyn aıyryp júrgen jumystarynyń ereksheligine baılanysty. Ádette túngi klýbty "jyn-shaıtannyń ordasy" sanaıtyndar olardy meshitke jolatpaýǵa tysyrady. Bul jaıynda Channel News Asia aqparat kózi habar taratty. Dese de túngi klýbtaǵylar 37 jastaǵy Gýs Mıfta degen laqap esimmen tanymal "ımamnyń" ýaǵyzyn tyńdaıdy. Jaratqandy umytpasy úshin. "Jumys naryǵy men ómir olardy osyndaı jumysqa shyǵýǵa ári jan baǵýǵa ıtermelep otyr",- dedi "ımam".
