Alla Taǵala barsha adamzattyń júregine balaǵa degen meıirimdi berip qoıǵan. Keıbir jandar sol meıirimdi balasyna bólmeı, perzenttiń qatygez bolýyna sebepker bolady. Sábıdi súıý, balǵa qamqorlyq kórsetý, jasóspirimge jol kórsetý, óziniń bolsyn jattyń bolsyn alasyna meıirim, shapaǵatpen qaraý barsha adamzattyń mindti bolsa kerekti.
«Ata-ananyń balasy úshin jasaǵan duǵasy qabyl bolady» degen Paıǵambarymyz (s.ǵ.s.) bala tárbıesinde Alladan tilek tilep, duǵa jasaýda úlken mán bar ekenin osylaı uqtyryp otyrǵan.
Anastan jetken hadıste:
Paıǵambarymyz (s.ǵ.s.) balalardyń qasynan ótip bara jatqan kezde amandasyp ótetin (Býharı).
Namaz oqyp turǵanda eger balanyń jylaǵanyn estise, anasy ýaıymdaı ma? dep, namazyn tez aıaqtaıtyn. Paıǵambarymyzdyń (s.ǵ.s.) Ábý Hýraıradan jetken hadısinde:
Paıǵambar (s.ǵ.s.) (nemeresi) Álı uly Hasandy súıgen edi. Sol ýaqytta qasynda ál-Aqraǵ ıbn Habıs át-Tamımı otyrǵan edi. Ál-Aqraǵ bylaı dedi: Meniń on balam bar biraq eshqaısyn osy ýaqytqa deıin súıgen emespin. Paıǵambarymyz (s.ǵ.s.) oǵan unamaǵan kúıde qarap bylaı dedi: «Kim meıirimdi bolmasa, raqymshylyqqa bólenbeıdi» (Mýslım) dedi.
Qyzy Fatımaǵa (r.a.) sábılerdiń úlpildek shashyn alyp, alynǵan shashtyń salmaǵyndaı sadaqa berýdi tapsyrǵan. «Nárestege berilgen sút adamnyń bolashaq tabıǵaty men minez-qulqyn qalyptastyrady» dep, adal sútpen qorektendirýdiń mańyzyn uqtyrǵan. Birde tań namazyn ádettegiden jyldam oqyp bitiredi. Sahabalardyń biri buǵan tańdanyp: «Ýa, Rasýlalla, búgin namazdy nelikten jyldam aıaqtadyńyz?» – dep suraǵanda, «Art jaqtan jylaǵan balanyń daýysyn estimediń be? Anasy baryp tezirek jubatqanyn qaladym» (Ibn Hajár) – degen. Balaǵa jalǵan sóılemeý týrasynda jetken hadıster de barshylyq. Birde Mádınaǵa hıjret jasaǵan sahaba analarymyzdyń biri Láıla (r.a.) Paıǵambarymyzdyń úıinde otyrǵan kezinde syrtta oınap júrgen ulyn shaqyryp:
– Balam, kele qoıshy, saǵan bir nárse beremin, - deıdi. Buny estigende Paıǵambarymyz (s.ǵ.s.) dereý odan:
– Ulyńyzǵa ne bermeksiz? - dep suraıdy.
– Qurma bereıin dep edim, – degeninde:
– Eger balaǵa «bir nárse berem» dep shaqyryp, esh nárse bermeseńiz, amal dápterińizge «ótirik aıtty» dep jazylar edi, - dep eskertken (Ábý Daýd)
Paıǵambarmyzdyń (s.ǵ.s.) balany erkeletip, májbúrlik jaǵdaı bolsa da onyń kóńiline qaraǵany jaıly aqparattar bar. Alla Elshisi (s.ǵ.s.) balany sonshalyqty súıgeni, oǵan degen meıirimi týraly sóz etkende kóńiliń jumsaryp sala beredi. Ábý Qatadá bylaı deıdi: «Paıǵambarymyz (s.ǵ.s.) bir kúni jıen nemeresi Ýmamáni ıyǵyna otyrǵyzǵan kúıde meshitke keldi. Jamaǵatqa namaz oqytty. Ruqýǵqa ıilgende qyzdy jerge túsiretin, sájdeden turǵan kezde qaıtadan alatyn» (Býharı).
Árkez otbasynda balalardy bir-birinen alalamaýǵa shaqyryp, «Balalaryńdy bólip-jarmaı, teńdeı kórińder», «Bala aldyndaǵy ata-ana mindetterińniń biri – olardy alalamaý» dep ósıet etken paıǵambarymyz (s.ǵ.s.) sekildi barsha ata-ana perzentterine qamqor bolsyn dep tileımiz.
Alla Taǵala syılaǵan balalarymydyń deni saý bolyp, ımandy, salıqaly urpaq bolǵaı. Alla Elshisiniń (s.ǵ.s.) kórkem minezi árbir perzentke daryp, ulaǵatty otbasy bolýyn tileımiz!
Nýrov Mahmýt qajy Nýruly
«Bala qajy» meshitiniń bas ımamy
