QR Táýelsizdigi kúni qarsańynda Aqtóbede «Órken» tulǵany damytý ortalyǵy men «Nurzerek» bóbekjaıy alǵashqy tárbıelenýshileri úshin óz esigin aıqara ashty. Saltanatty sharalarǵa Aqtóbe oblysynyń ákimi Berdibek Saparbaev qatysty.
* Táýelsizdik alǵan kúnnen bastap memleket basshysynyń saıasaty jas qazaqstandyqtardy básekege qabiletti tulǵa bolýǵa tárbıeleýge baǵyttaldy. Ótken 27 jyldyń ishinde sol úshin kóp jumystar atqaryldy. Bir ǵana Aqtóbeniń ózinde 21 myńnan astam búldirshin baryp júrgen 142 balabaqsha bar. Búginde qalanyń meketpke deıingi mekemelermen qamtylýy - 98%, oblys boıynsha 100%-dy quraıdy. Jaryn Aqtóbede balalar mektepke deıingi bilimmen 100% qamtylady josparlanyp otyr. Bul jaǵynan bizge sońǵy jyldary memlekettik-jekemenshik seriktestik aıasynda oblysta ondaǵan balabaqsha ashqan áleýmettik jaǵynan jaýapty kásiprkerler kómektesýde. Olarǵa belsendilik tanystqandary úshin alǵys aıtamyn,-dedi oblys ákimi quttyqtaý sózinde.
Búgin ashylǵan mektepke deıingi mekemeler de balabaqshany óte qajet etetin jerlerde jeke ınvestısıalar esebinen salynǵan.
Máselen, «Órken» tulǵany damytý ortalyǵynyń tórt qabatty ǵımaraty Aqjar-2 turǵyn úı alabynda ornalasqan. Onyń qurylysy men jabdyqtalýyna 500 mln teńge salyndy. Ortalyqqa bir jarym jastan alty jasqa deıingi 200 sábı baratyn bolady.
170 orynǵa arnalǵan jańa «Nurzerek» bóbekjaıy Batys-2 shaǵyn aýdanynyń turǵyndaryna qyzmet kórsetpek. Atalmysh joba quny – 560 mln teńge. Kórkemdik-estetıkalyq baǵytta qosymsha bilim beretin kabınetter, psıholog, logoped, qazaq, aǵylshyn jáne orys tilderiniń, topyraqpen emdeý kabınetteri, gımnastıkalyq zaldar bar. Ǵımarat aınalasyndaǵy zamanaýı sport alańdary men oıyn keshenderi ornatylǵan aýmaqtar da tolyqtaı abattandyrylǵan.
Árbir mektepke deıingi mekeme balalardyń mádenı jáne fızıkalyq turǵyda damyp, mektepke sapaly daıyndalýlaryna qajet barlyq quraldarmen jabdyqtalǵan. Tárbıelenýshiler men qyzmetkerlerdiń qaýipsizdikterine basa nazar aýdarylǵan, ıaǵnı damytý ortalyǵynda da, bóbekjaıda da zamanaýı avtomatty órt dabyly, dybystyq habar júıesi ornatylǵan.
