Aqtóbe oblysy Polısıa departamentiniń avtoparki «Shkoda Oktavıa» mashınalarymen tolyqty. Polıseılerdiń qyzmettik avtokóilkpen qamtylýy 100%-dy quraýǵa jaqyn.
Táýelsizdik kúnine arnalǵan saltanatty shara «Qazaq halqyna myń alǵys» alańynda ótti. Oǵan oblys ákimi Berdibek Saparbaev, quqyqorǵaý organdarynyń basshylary, ishki ister organdarynyń jeke quramy qatysty. Óńir basshysy egemen Qazaqstannyń barlyq jetistigi Elbasymen baılanysty ekenin atap ótti.Osylaısha, Prezıdent tapsyrmasymen óńirde polısıa departamenti bólimsheleriniń oblystaǵy quqyqtyq tártip úshin birlesken jaýapkershiliginiń jańa mindetterine jaýap beretin materıaldyq-tehnıkalyq bazasyn nyǵaıtýdyń tıimdi sharalary qabyldanyp jatyr.
* 2018 jyly jergilikti búdjetten polısıa departamentine 7,2 mlrd teńge bólindi. Birqatar birlesken jobalardy júzege asyrýdyń, qyzmetkerlerdiń kásibıliginiń arqasynda óńirde qylmys deńgeıi tómendedi. Ult josparynyń otyz qadamyn júzege asyrý aıasynda departament avtoparki jańa qyzmettik avtokóliktermen tolyqty. Bul qylmys pen quqyqbuzýshylyqtyń ashylý jedeldigine, quqyqtyq tártipti qamtamasyz etýge jáne oblys joldaryn patrúldeýge oń áserin tıgizeri sózsiz. Barynsha zańdylyqty jáne oblys turǵyndarynyń qoǵamdyq qaýipsizdigin qamtamasyz etý máseleleri basymdyq bolyp tabylady,-degen oblys ákimi polıseılerge avtokólik kiltterin tabys etti.
Óz kezeginde polısıa qyzmetkerleri ózderiniń qyzmettik paryzyn laıyqty atqaryp, óńirdegi quqyqtyq tártipti qamtamasyz ete otyra adamdardyń tynyshtyǵy men qaýipsizdigin qorǵaýǵa ýáde berdi. Merekelik sharanyń sońynda ishki ister organdarynyń ardagerleri men úzdik qyzmetkerlerine marapattar tabystaldy. QR Prezıdentiniń jarlyǵymen polısıa departamentiniń segiz qyzmetkeri memlekettik marapattarmen madaqtaldy.
