Táýelsizdik kúni qarsańynda Aqtóbe qalasyndaǵy №41 mektep-gımnazıasynyń ǵımaratynda ataqty aqyn, QR halyq jazýshysy, memlekettik syılyqtyń laýreaty Farıza Ońǵarsynovanyń qurmetine eskertkish taqta ornatyldy.
Saltanatty sharaǵa Aqtóbe oblysynyń ákimi Berdibek Saparbaev, aqynnyń uly - Almas Ońǵarsynov, qoǵam qaıratkeri ári jazýshy Ábish Kekilbaevtyń jubaıy – Klara Jumabaeva, qala turǵyndary men qonaqtary qatysty. Oblys ákimi Táýelsizdiktiń 27 jyly ishinde halyqtyń ál-aýqatyn kóterip, bilim, densaýlyq, mádenıet, sport, turǵyn úı qurylysy, aýyl sharýashylyǵy salalaryn damytý úshin Qazaqstanda eń tıimdi sharalar qabyldanǵanyn atap ótti.
* Osy jetistikterdiń bári – memleket basshysynyń kóregen saıasatynyń nátıjesi. Táýelsiz elimizdiń qalyptasýynda qazaq halyqynyń dańqty qyzy Farıza Ońǵarsynovanyń róli mańyzdy. Ol qazaq poezıasyn damytýǵa eleýli úles qosyp, ádebıetke óshpes izin qaldyrdy: onyń qalamynan mahabatty, erlik isterdi, adamdardyń qaısarlyǵyn jyrlaıtyn júzdegen shyǵarmalar shyqty. Sondyqtan memleketimizdiń mańyzdy merekesi qarsańynda ataqty aqyn qyzdyń esimi berilgen mektepte eskertkish taqta ornatyldy,-dedi óńir basshysy.
Sondaı-aq, mektepte F.Ońǵarsynova atyndaǵy murajaı ashyldy. Munda oqýshylar ataqty aqyn qyzdyń ómirbaıanymen jáne shaǵyrmashylyǵymen tanysa alady. Almas Ońǵarsynov murajaıǵa QR halyq jazýshysynyń 12 tomdyq shyǵarmalar jınaǵyn syıǵa tartty. Aıta keteıik, aqyn, QR halyq jazýshysy Farıza Ońǵarsynova atyndaǵy 600 oryndyq jalpy bilim beretin mektep-gımnazıasy osy jyldyń tamyz aıynda ashylǵan. Alańy 10,3 myń sharshy metrlik oqý ornynyń úsh qabatty ǵımaraty balalardyń oqýǵa jáne demalýǵa, sonymen qatar, mádenı jáne sporttyq bilimge degen qajettiligin eskere otyra jobalanǵan.
