Aqtóbe oblysynyń eń kóne basylymy - «Aktúbınskıı vestnık» gazeti óziniń 100 jyldyq mereıtoıyn toılady. Osy jyldardyń ishinde oblystyq qoǵamdyq-saıası gazet óziniń ataýyn, taralymy men dızaınyn san márte ózgertti. Búginde redaksıada 22 adam eńbek etedi, olardyń ony – jýrnalıser.
Birneshe ǵasyr boıy «Aktúbınskıı vestnık» gazetiniń óz ǵımaraty bolmady. Mereıtoı jyly bul másele sheshimin tapty. 30 qarasha, juma kúni oblystaǵy tuńǵysh Baspasóz úıi saltanatty túrde ashyldy. Endi munda oblystaǵy eki basty basylym - «Aqtóbe» jáne «Aktúbınskıı vestnık» gazetteri ornalasady. Basylym ujymdaryn qýanyshtarymen Aqtóbe oblysynyń ákimi Berdibek Saparbaev ta quttyqtady.
* Sizderdi QR Tuńǵysh Prezıdenti kúnimen jáne elimizdiń tarıhyndaǵy alǵashqy gazetterdiń biri – «Aktúbınskıı vestnık» gazetiniń 100 jyldyǵymen quttyqtaımyn! Gazet osy ýaqyt ishinde bizdiń jalpy tarıhymyzdyń túrli sátterin halyqpen birge ótkerdi. Quldyraý, asharshylyq, soǵys jyldary syndy qıyn-qystaýlarǵa qaramastan shyǵa berdi. Bul mereıtoı – gazet ujymy úshin de, búkil oblys úshin de úlken, asylynda ataýly kún. Gazettiń 100 jyldyǵyn merekeleý aıasynda oblys tarıhynda birinshi ret «Baspasóz úıin» ashqanymyz qýantady. Bul bizdiń óńirdegi jýrnalısıka men buqaralyq aqparat quraldarynyń damýyna jańa shabyt beretinine senimdimin,- dedi Berdibek Saparbaev.
Baspasóz úıiniń ashylýyna baılanysty ótken saltanatty sharaǵa sondaı-aq, Olımpıada chempıony Jaqsylyq Úshkempirov, Qazaqstandaǵy ataqty qoǵam qaıratkerler men jýrnalıser – Ǵadilbek Shalahmetov, Qaınar Oljaı, Nurtileý Imanǵalıuly men t.b., oblystyq gazetterdiń redaktorlary, ardagerler men gazettiń burynǵy qyzmetkerleri qatysty.
Qonaqtar alańy shamamen 6,8 myń sharshy metr bolatyn Baspasóz úıiniń tórt qabatty keń ári jaryq ǵımaratyn aralady. Búginde munda baspahana men «Aqtóbe» jáne «Aktúbınskıı vestnık» gazetteri men olardyń saıttarynyń, «Aqtóbe», «Adyrna», «Úsh taǵan» jýrnaldarynyń, «AqtóbeMedıa.kz» medıa portalynyń, «Akotbenews» aqparattyq saıtynyń menshik ıesi «Aktóbe medıa» JSHS ornalasqan.
Budan basqa, Baspasóz úıinde buqaralyq aqparat quraldarynyń murajaıy, kitaphana, belgili jýrnalıs Gúlnaz Álimgereıdiń onlaın-stýdıasy men avtorlyq medıa mektebi ashylǵan.
«Aktúbınskıı vestnık» gazetiniń 100 jyldyǵyna arnalǵan basty shara búgin keshke T.Ahtanov atyndaǵy drama teatr ǵımaratynda ótedi. Shara aıasynda basylymnyń ujymy men jekelegen qyzmetkerlerine QR Prezıdenti ákimshiliginiń, QR Aqparat jáne baılanys mınıstrliginiń, oblys ákimi men oblystyq máslıhattyń túrli marapattary tabys etiledi.
