Habıb Nurmaǵamedov jekpe-jek kezinde ne sebepti Reseıdiń týyn alyp shyqpaıtynyn túsindirdi dep jazady Qamshy.kz aqparat agenttigi. Bul týraly ol Samara qalasyndaǵy suhbatynyń birinde aıtty. 

♦Habıb Nurmaǵamedov qatty qorqatyn ákesi jaıly ne bilemiz?

"Qazir meni tek Reseı ǵana emes sheteldikter da tanyp, bilip jatyr. Buryn men tek Reseıde ǵana ózimdi tanymal adam retinde sezinetinmin. Al qazir búkil álem meni unatsyn, unatpasyn tanyp jatyr. Kóptegen adamdar meniń bólektenetinimdi, jekpe-jek kezinde Reseıdiń týyn alyp shyqpaıtynymdy aıtyp, aıyptaıdy. Alaıda men jekpe-jekke shyqqan saıyn Reseıdiń týy búkil ekrannan kórsetiledi. Meni amerıkalyqtardyń bári derlik "orys" dep aıtady. Sebebi olar Daǵystan, Sheshenstan týraly beıhabar. Tipti sheteldik sportshylardyń ózi meni orys dep oılaıdy. Nege deseńiz, olar Daǵystan, Sheshenstan, Reseı birtutas el dep sanaıdy. Iá biz sheteldikter úshin bir ultpyz, bir elmiz. Olardyń oılary sondaı. Al bólektenip, shettetýge tyrysatyndar ol ózimizdiń adamdar, ıaǵnı ózimizdi ózimiz shettetip, ózimizdi ózimiz bólekteımiz. Óıtkeni bizdi eshkim bólek el dep eseptemeıdi. Men de ózimdi bólektenbeımin. Sondyqtan mundaı qıturqy suraqtarmaǵan unamaıdy. ", deıdi UFC chempıony. 

♦Habıb Nurmaǵamedov: Ulymnyń meniń jolymdy qaıtalaǵanyn qalamaımyn